حالىقارالىق اۋەجايعا شابۋىل جاسالدى

الەم جاڭالىقتارى

دۇيسەنبىگە قاراعان ءتۇنى پاكىستاننىڭ كاراچيدەگى «دجيننا» حالىقارالىق اۋەجايىنا قارۋلى سودىرلار شابۋىل جاسادى. شابۋىل سالدارىنان كەم دەگەندە 23 ادام مەرت بولعان. جەرگىلىكتى باسىلىمداردىڭ ىشكى ىستەر ورگاندارى باسشىلىعىنىڭ مالىمەتتەرىنە سىلتەمە جاساي وتىرىپ حابارلاۋىنشا, قۇربان بولعانداردىڭ اراسىندا اۋەجاي قاۋىپسىزدىك كۇشتەرى مەن اۋەجاي قىزمەتكەرلەرى دە بار. سودىرلاردىڭ شابۋىلىنا تويتارىس بەرۋ كەزىندە ونداعان سودىردىڭ كوزى جويىلعان جانە ولاردان قارۋلار مەن گراناتومەتتەر الىنعان. قارۋلى توپ اۋەجايدىڭ ەكى تەرمينالىنا شابۋىل جاساپتى. الدىمەن سودىرلار اۋەجايدىڭ عيماراتىنا قول گراناتالارىن لاقتىرعان, سونداي-اق, اتىس قارۋلارىنان وق جاۋدىرعان. شابۋىلداۋشىلاردىڭ اراسىندا جانكەشتىلەر دە بولعان, سولاردىڭ ءبىرى بومبانى ىسكە قوسىپ, ءوزىن-ءوزى جارىپ جىبەرگەن. اۋەجايدا بارلىعى ءۇش مارتە كۇشتى جارىلىس جاسالدى دەگەن مالىمەت بار. اتىس بەس ساعاتقا سوزىلعان سياقتى. بۇل تەررورلىق ارەكەتتى سۋننيتتىك سودىرلار جاساۋى مۇمكىن دەگەن بولجام ايتىلۋدا. ەلۋ مىڭعا جۋىق ادام زارداپ شەكتى برازيليانىڭ پارانا شتاتىنىڭ تۇرعىندارى نوسەر جاۋىن سوڭى الاپات تاسقىنعا ۇلاسۋىنان قاتتى زارداپ شەكتى. سوڭعى دەرەكتەرگە قاراعاندا, تاسقىن ونعا جۋىق ادامنىڭ ءومىرىن جالماعان. پارانا شتاتى ۇكىمەتىنىڭ مالىمدەۋىنشە, سۋ باسۋدان شتاتتىڭ ورتالىق بولىگىندە تۇراتىن 50 مىڭعا جۋىق ادام زارداپ شەككەن. تاسقىن سۋ, سونداي-اق, فۋتبولدان الەم بىرىنشىلىگى وتەتىن قالالاردىڭ ءبىرى – كۋريتيبانى دا باسىپ وتىر. شتات گۋبەرناتورى بەتو ريچانىڭ ايتۋىنشا, تابيعات اپاتى 70 مۋنيتسيپاليتەتتى قامتىعان. كۋريتيبادا «ارەنا بايشاد» ستاديونى ورنالاسقان. بۇل ستاديوندا 16 ماۋسىمدا يران مەن نيگەريا ۇلتتىق قۇرامالارىنىڭ كەزدەسۋى وتەدى ەكەن. پارلامەنتتىك سايلاۋ ءوتتى جەكسەنبى كۇنى وڭتۇستىك  وسەتيادا پارلامەنتتىك سايلاۋ ءوتتى. ورتالىق سايلاۋ كوميسسياسىنىڭ ءتورايىمى بەللا پليەۆا كوميسسيا پارلامەنتتىك سايلاۋدىڭ وتكەنىن تانىدى دەپ مالىمدەدى. سونىمەن قاتار, ول ورتالىق سايلاۋ كوميسسياسىنا داۋىس بەرۋ كەزىندە سايلاۋ زاڭناماسىنىڭ ورەسكەل بۇزىلعانى جونىندە اقپاراتتار تۇسپەگەنىن ايتقان. رەسەيدەن بايقاۋشى رەتىندە قاتىسقان بايقاۋشىلار دا سايلاۋدا ءتارتىپ بۇزۋشىلىق تىركەلمەگەنىن ءبىلدىرىپتى. ال ءوز كەزەگىندە ەۋروكوميسسيا داۋىس بەرۋ قورىتىندىسىن تانىمايمىز دەپ مالىمدەدى. سايلاۋعا توعىز پارتيا قاتىستى. وڭتۇستىك وسەتيانىڭ پارلامەنتى 34 دەپۋتاتتان تۇرادى. ەكزيت-پولدىڭ مالىمەتتەرى بويىنشا «ەدينايا وسەتيا» پارتياسى كوپ ورىن العان كورىنەدى. قىسقا قايىرىپ ايتقاندا: * ۇندىستانداعى ينجەنەرلىك كوللەدجىنىڭ 24 ستۋدەنتى سۋ تولقىنى باسۋى سالدارىنان بياس وزەنىنە باتىپ كەتتى. ىزدەستىرۋ جۇمىستارى جۇرگىزىلۋدە. * گيننەستىڭ رەكوردتار كىتابىنا الەمدەگى ەڭ قارت ادام رەتىندە ەنگىزىلگەن الەكساندر يميچ نيۋ-يوركتە قايتىس بولدى. قاريا 111 جىل ءومىر سۇرگەن ەكەن. * ليۆيانىڭ جوعارعى سوتى ەلدىڭ پرەمەر-ءمينيسترى بولىپ جاقىندا عانا سايلانعان احمەد مايتىگتى كونستيتۋتسياعا سايكەس سايلانباعان دەپ تاپتى. ول داۋىس بەرۋ كەزىندە قاجەتتى داۋىس جيناي الماپتى. بۇل ەل زاڭىنا قايشى كەلەدى. * شۆەتسيانىڭ حەلسينبورگ تەڭىز پورتىنا جاقىن ماڭدا جۇك كەمەسى جەرگە وتىرىپ قالعان. سويتسە, ونىڭ كاپيتانى ۋداي ماس ەكەن. قىلمىستىق ءىس قوزعاۋدى تالاپ ەتتى رەسەي مەملەكەتتىك دۋماسىنىڭ بىرقاتار دەپۋتاتتارى «روسنانو» باسشىسى اناتولي چۋبايسقا جانە وسى مەملەكەتتىك كورپوراتسيانىڭ باسقا دا مەنەدجەرلەرىنە قارسى قىلمىستىق ىستەر قوزعاۋدى تالاپ ەتتى. «يزۆەستيا» باسىلىمىنىڭ جازۋىنا قاراعاندا, بىرقاتار دەپۋتاتتار «روسنانو» كورپوراتسياسىنىڭ جۇمىسىندا رەسەي قىلمىستىق كودەكسىندە كوزدەلگەن توعىزعا جۋىق قىلمىستىڭ بەلگىلەرى بار دەگەن پىكىر بىلدىرگەن. وسىعان بايلانىستى مەمدۋمانىڭ بيۋدجەت جانە سالىق جونىندەگى كوميتەتى توراعاسىنىڭ ورىنباسارى وكسانا دميتريەۆا رەسەيدىڭ باس پروكۋرورى يۋري چايكاعا كورپوراتسيانىڭ قىزمەتىنە مۇقيات تەكسەرۋ جۇرگىزۋ تۋرالى ساۋال جولداعان جانە ول ودان بۇل ماسەلەنى جەكە ءوزىنىڭ باقىلاۋىنا الۋدى وتىنگەن. دەپۋتاتتار «روسنانو» قىزمەتىنە 2011 جىلدان بەرى «قىزىعۋشىلىق» تانىتا باستاپتى. اقش پەن يران ىمىراعا كەلمەك وسى اپتادا اقش پەن يران بىرنەشە ونجىلدىقتان سوڭ, العاش رەت تەھراننىڭ يادرولىق باعدارلاماسى بويىنشا تىكە كەلىسسوز وتكىزەدى. بۇل اقپاراتتى يران سىرتقى ىستەر ءمينيسترىنىڭ ورىنباسارى ابباس اراكچي راستادى. اراكچيدىڭ ايتۋىنشا, يراندىق دەلەگاتسياعا ونىڭ ءوزى جەتەكشىلىك ەتەدى. بۇگىن جانە ەرتەڭ جەنەۆادا ولار اقش ديپلوماتتارىمەن جۇزدەسەتىن بولادى. كەلىسسوزگە اقش تاراپىنان مەملەكەتتىك حاتشىنىڭ ورىنباسارى ۋيليام بەرنس باسشىلىق جاسايدى. ودان كەيىنگى ريمدەگى ەكى كۇن يران ديپلوماتتارىنىڭ رەسەيلىك تاراپپەن كەزدەسۋ وتكىزۋىنە ارنالادى. ال يراننىڭ حالىقارالىق ارااعايىندىق تانىتۋشى «التىلىقپەن» كەزدەسۋى 16 ماۋسىمعا جوس­پارلانىپ وتىر. بۇل كەزدەسۋلەر مەن كەلىسسوزدەردىڭ باستى ماقساتى – تەھراننىڭ يادرولىق جوبالارىنا توسقاۋىل قويۋ. تاعى ءبىر شەنەۋنىككە ايىپ تاعىلدى قىتايدىڭ اسا ءىرى «China COSCO» لوگيستيكالىق حولدينگىنىڭ بۇرىنعى باسشىسى سيۋي مينتسزەگە سىبايلاس جەمقورلىققا جول بەردى دەگەن ايىپ تاعىلدى. بۇل جونىندە «رەيتەر» اگەنتتىگى حابارلادى. قىتاي كومپارتياسىنىڭ ءتارتىپتى تەكسەرۋ جونىندەگى ورتالىق كوميسسياسى ونى بىرنەشە كۇن بۇرىن پارتيا قاتارىنان شىعارعانىن دا مالىمدەگەن. س.مينتسزەگە ءوز قىزمەتىن اسىرا پايدالاندى جانە مەملەكەت قاراجاتىن جەكە باس مۇددەسىنە جۇمسادى دەگەن كۇدىك كەلتىرىلىپ وتىر. ول وسىدان جارتى جىلداي بۇرىن حولدينگتىڭ اتقارۋشى ديرەكتورى قىزمەتىنەن وتستاۆكاعا جىبەرىلگەن بولاتىن. اتالعان حولدينگتە 130 مىڭنان استام ادام جۇمىس ىستەيدى. ينتەرنەت ماتەريالدارى نەگىزىندە ازىرلەندى.