استانا. 9 ماۋسىم. پاۆلودار وبلىسىنىڭ اكىمى قانات بوزىمباەۆتىڭ وكىمىمەن وبلىستىق كاسىپكەرلىك, ساۋدا جانە تۋريزم باسقارماسىنا الەكساندر بابەنكو, ال ساۋلەت جانە قالا قۇرىلىسى باسقارماسىنا اندرەي بالاشەۆ باسشى بولىپ تاعايىندالدى. بۇل تۋرالى «قازاقپارات» حابارلادى.
پاۆلودار وبلىسىنىڭ تۋماسى, جوعارى ءبىلىمدى, قاراعاندى كسرو ءىىم جوعارى مەكتەبىن جانە رەسەي فەدەراتسياسى ۇكىمەتىنىڭ جانىنداعى حالىقتىق شارۋاشىلىق اكادەمياسىن تامامداعان الەكساندر بابەنكو ەڭبەك جولىن ىشكى ىستەر مينيسترىلىگىنىڭ قىزمەتكەرى رەتىندە باستاعان. سونداي-اق, 20 جىلدان استام كاسىپكەرلىك جانە بيزنەس سالاسىندا ەڭبەك ەتتى. بۇدان بولەك, ا. بابەنكو يننوۆاتسيالىق ەۋرازيالىق ۋنيۆەرسيتەتتىڭ «مەنەدجمەنت» كافەدراسىنىڭ پروفەسسورى. ول وسى تاعايىنداۋعا دەيىن وبلىستىق كاسىپكەرلىك, ساۋدا جانە تۋريزم باسقارماسى باسشىسىنىڭ ورىنباسارى بولعان.
وبلىستىق ساۋلەت جانە قالا قۇرىلىسى باسقارماسىنىڭ باسشىسى بولىپ بەكىتىلگەن اندرەي بالاشەۆ بۇعان دەيىن پاۆلودار قالاسىنىڭ ساۋلەت جانە قالا قۇرىلىسى ءبولىمىن باسقارعان.
پاۆلودار وبلىسىنىڭ تۋماسى, جوعارى ءبىلىمدى, 2003 جىلى ينجەنەر-قۇرىلىسشى ماماندىعى بويىنشا س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن ۇزدىك اياقتاعان ا.بالاشەۆ ەڭبەك جولىن «ارحپروەكت-ت» جشس-دا جوبالۋشى بولىپ باستاعان. سودان كەيىن وبلىستىڭ ساۋلەت جانە قالا قۇرىلىسى باسقارماسى ءبولىمىنىڭ باس مامانى, باستىعى, پاۆلودار قالاسىنىڭ باس ساۋلەتشىسى مىندەتتەرىن اتقارعان.
سونداي-اق, قانات بوزىمباەۆتىڭ وكىمىمەن وبلىس اكىمى اپپاراتى باسشىسىنىڭ ورىنباسارى بولىپ اعىباي ءامرين تاعايىندالدى. ول بۇدان بۇرىن وبلىس اكىمى اپپاراتى ۇيىمداستىرۋ-ينسپەكتورلىق ءبولىمىنىڭ جەتەكشىسى قىزمەتىندە بولعان.
جولدىباي بازار.
دەرەككوز: «قازاقپارات».
فوتو: News.nur.kz.