مەملەكەت باسشىسىنىڭ جارلىعىمەن قانات مۋسين ادىلەت ءمينيسترى قىزمەتىنەن بوساتىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«مەملەكەت باسشىسىنىڭ جارلىعىمەن قانات سەرگەي ۇلى مۋسين قازاقستان رەسپۋبليكاسىنىڭ ادىلەت ءمينيسترى لاۋازىمىنان بوساتىلدى», دەلىنگەن جارلىقتا.
ەسكە سالا كەتەيىك, قانات مۋسين بۇل قىزمەتكە 2022 جىلى قاڭتاردا تاعايىندالعان ەدى.
قانات مۋسين 1966 جىلعى 27 اقپاندا تسەلينوگراد (استانا) قالاسىندا دۇنيەگە كەلگەن. ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. زاڭگەر. اعا ادiلەت كەڭەسشiسi, قارجى پوليتسياسىنىڭ پولكوۆنيگى.
1984-1986 جىلدارى تسەلينوگراد قالاسىنىڭ لەنين اۋداندىق حالىق سوتىنىڭ سوت ورىنداۋشىسى, سوت وتىرىسىنىڭ حاتشىسى, ارحيۆاريۋسى.
1986-1989 جىلدارى «تسەلينوگرادوبلگازتوپ» وندىرىستىك بىرلەستىگىنىڭ اعا يۋريسكونسۋلتى.
1989-1998 جىلدارى تسەلينوگراد قالاسىنىڭ, اقمولا وبلىسىنىڭ پروكۋراتۋرا ورگاندارىندا قىزمەت ەتكەن, استانا قالاسى پروكۋرورىنىڭ ورىنباسارى.
1998-2001 جىلدارى سولتۇستىك قازاقستان وبلىسى پروكۋرورىنىڭ ورىنباسارى, جامبىل وبلىسى پروكۋرورىنىڭ ءبىرىنشى ورىنباسارى.
2001-2007 جىلدارى قارجى پوليتسياسى ورگاندارىندا قىزمەت ەتكەن, باتىس قازاقستان وبلىسى, الماتى قالاسى ەكونوميكالىق قىلمىس جانە سىبايلاس جەمقورلىققا قارسى كۇرەس دەپارتامەنتى باسشىسىنىڭ ورىنباسارى.
2007-2010 جىلدارى قازاقستان رەسپۋبليكاسىنىڭ قاۋىپسىزدىك كەڭەس اپپاراتىندا جۇمىس ىستەگەن: باس ساراپشى, باس ينسپەكتورى, قاۋىپسىزدىك كەڭەسى حاتشىلىعى مەڭگەرۋشىسىنىڭ ورىنباسارى.
2010-2012 جىلدارى سولتۇستىك قازاقستان وبلىسى پروكۋرورىنىڭ ءبىرىنشى ورىنباسارى.
2012-2016 جىلدارى استانا قالاسىنىڭ ادىلەت دەپارتامەنتىنىڭ باسشىسى.
2016 جىلدىڭ ناۋرىزىنان باستاپ التىنشى سايلانىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.
2021 جىلدىڭ قاڭتار ايىنان باستاپ جەتىنشى سايلانىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى-زاڭناما جانە سوت-قۇقىقتىق رەفورما كوميتەتىنىڭ توراعاسى.
«ەرەن ەڭبەگى ءۇشىن», «قازاقستان رەسپۋبليكاسىنىڭ تاۋەلسىزدىگىنە 20 جىل», «استانانىڭ 10 جىلدىعى» مەدالدارىمەن, قۇقىق قورعاۋ ورگاندارىنىڭ ۆەدومستۆولىق ناگرادالارىمەن ماراپاتتالعان.