تارازدا پلاستيك شەلەكتەن شالا تۋعان نارەستەنىڭ ءمايىتى تابىلدى. پوليتسەيلەر بالانىڭ اناسىن ىزدەستىرىپ جاتىر, دەپ حابارلايدى Egemen.kz Polisia.kz Telegram-ارناسىنا سىلتەمە جاساپ.
پوليتسەيلەردىڭ مالىمەتىنشە, 29 جەلتوقسان كۇنى ساعات 11:30-دا تاراز قالالىق پوليتسيا باسقارماسىنىڭ 2-پوليتسيا ءبولىمىنىڭ كەزەكشى بولىمىنە بايزاق كەنتىندەگى قوقىس جاشىگىنىڭ جانىنان پلاستيك شەلەكتەن شالا تۋعان نارەستەنىڭ ءمايىتى تابىلعانى تۋرالى اقپارات كەلىپ تۇسكەن.
وقيعا ورنىنا جەدەل-تەرگەۋ توبى دەرەۋ جەتكەن.
ء«مايىت جامبىل وبلىستىق ءمايىتحاناسىنا جەتكىزىلدى. سوت-مەديتسينالىق ساراپتاما تاعايىندالدى. بالانىڭ اناسىن انىقتاۋ بويىنشا جەدەل ءىس-شارالار ءجۇرىپ جاتىر», دەپ تولىقتىردى پوليتسەيلەر.