كوكتەمگى سۋ تاسقىنىنان زارداپ شەككەن باتىس قازاقستان وبلىسىنىڭ شالعىن جانە جاقسىباي اۋىلدارىنىڭ تۇرعىندارى جاڭا ۇيلەرگە قونىستاندى, دەپ حابارلايدى Egemen.kz.
ايتا كەتسەك, «قازاقستان حالقىنا» قورى سۋ باسقان اۋىلداردىڭ تۇرعىندارىنا 771,9 ملن تەڭگە سوماسىنا 30 ءۇيدىڭ قۇرىلىسىن قارجىلاندىرۋ بويىنشا قايىرىمدىلىق كومەك كورسەتكەن ەدى.
قاراتوبە اۋدانىنىڭ شالعىن اۋىلىندا 23 ءبىر قاباتتى ءبىر پاتەرلى تۇرعىن ءۇي جانە جانىبەك اۋدانىنىڭ جاقسىباي اۋىلىندا 7 تۇرعىن ءۇي سالىندى.
شالعىن اۋىلىنىڭ تۇرعىنى بەكجان ءماسالىمنىڭ ايتۋىنشا سۋ تاسقىنىنان اۋىلدىڭ ءبىر بولىگى زارداپ شەككەن.
«جاڭا ءۇيىمىز جىلى, ادەمى. قونىستاندىق, شاعىمىمىز جوق. ۇناپ وتىر. كومەك قولىن سوزعان بارشا قۇرىلىسشىلارعا, اكىمدىك, قور وكىلدەرىنە راحمەت. قيىن جاعدايدى باستان وتكەردىك, وڭاي بولمادى. بىراق قازىر قۋانىشتىمىز, ريزامىز جاسالعان جۇمىسقا. وسىنداي قيىنشىلىق ەندى بولماسىن, دەمەۋ بولعان بارشا قاۋىمعا العىسىمىز زور», دەدى شالعىن اۋىلىنىڭ تۇرعىنى بەكجان ءماسالىم.
جاڭا پاتەرلەرگە جارىق, گاز, سۋ مەن سانيتارلىق توراپ جۇرگىزىلگەن.
ەسكە سالا كەتسەك, 2022 جىلدىڭ ءساۋىر ايىندا ورىن العان سۋ تاسقىنى سالدارىنان وڭىردەگى تۇرعىن ۇيلەر سۋ استىندا قالدى. ولاردىڭ ءبىر بولىگى تۇرۋعا جارامسىز بولىپ شىقتى. 21 شىلدەدە قورعا بقو اكىمىنىڭ ورىنباسارى ت.قايۋپوۆتىڭ ءۇي قۇرىلىسى ءۇشىن قاراجات بولۋگە جاردەمدەسۋ تۋرالى ءوتىنىشى كەلىپ ءتۇستى. وبلىس اكىمدىگى قاجەتتى قۇجاتتاردى ۇسىنعاننان كەيىن, 8 تامىزدا «قازاقستان حالقىنا» قورىنىڭ قامقورشىلىق كەڭەسى ۇيلەر قۇرىلىسى ءۇشىن قايىرىمدىلىق كومەك كورسەتۋ تۋرالى شەشىم قابىلدادى.