2014 جىلعى 21 مامىر, استانا, ۇكىمەت ءۇيى
قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋ جانە ولاردى تىركەۋ قاعيدالارىن بەكىتۋ تۋرالى
«حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭى 8-بابىنىڭ 7-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋ جانە ولاردى تىركەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 2017 جىلعى 2 جەلتوقسانعا دەيىن قولدانىلادى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 21 مامىرداعى № 518 قاۋلىسىمەن بەكىتىلگەن
قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان
كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ
كەلۋ جانە ولاردى تىركەۋ قاعيدالارى
1. وسى قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋ جانە ولاردى تىركەۋ قاعيدالارى (بۇدان ءارى – قاعيدالار) «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭىنا, «قازاقستان رەسپۋبليكاسىنىڭ مەملەكەتتىك شەكاراسى تۋرالى»2013 جىلعى16 قاڭتارداعى قازاقستان رەسپۋبليكاسىنىڭ زاڭىنا سايكەس ازىرلەندى جانە قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە (بۇدان ءارى – حالىقارالىق مامانداندىرىلعان كورمە) قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ قازاقستان رەسپۋبليكاسىنا كەلۋ جانە ولاردى تىركەۋ ءتارتىبىن ايقىندايدى.
2. وسى قاعيدالاردا مىناداي تەرميندەر مەن انىقتامالار پايدالانىلادى:
1) حالىقارالىق مامانداندىرىلعان كورمەگە قاتىسۋشى – زاتتاردى (ەكسپوناتتاردى) حالىقارالىق مامانداندىرىلعان كورمەگە قوياتىن جانە حالىقارالىق مامانداندىرىلعان كورمەدە ۇلتتىق سەكتسيالاردا ءتيىستى ەلدى بىلدىرەتىن جەكە تۇلعا نەمەسە زاڭدى تۇلعا, سونىڭ ىشىندە حالىقارالىق شارتتىڭ تالاپتارىنا سايكەس قابىلداناتىن حالىقارالىق مامانداندىرىلعان كورمەنى وتكىزۋدىڭ ىشكى قاعيدالارىندا ايقىندالعان حالىقارالىق ۇيىم نەمەسەجەكە تۇلعا نە زاڭدى تۇلعا;
2) حالىقارالىق مامانداندىرىلعان كورمەگە قاتىسۋشىنىڭ قىزمەتكەرى – حالىقارالىق مامانداندىرىلعان كورمەگە قاتىساتىن ەلدىڭ نەمەسە حالىقارالىق ۇيىمنىڭستەندىن,پاۆيلونىن بەزەندىرۋ بويىنشا قۇرىلىس-مونتاج, ينجەنەرلىك-تەحنيكالىق, ساۋلەتتىك, ديزاينەرلىك جۇمىستاردى ورىندايتىن جەكە تۇلعا نەمەسە زاڭدى تۇلعانىڭ قىزمەتكەرى;
3) اككرەديتتەۋ كارتاسى – قازاقستان رەسپۋبليكاسىنىڭ ۆيزاسىن الماستىراتىن جانە حالىقارالىق مامانداندىرىلعان كورمەگە قاتىسۋعا نەمەسە حالىقارالىق مامانداندىرىلعان كورمەنى ۇيىمداستىرۋعا جانە وتكىزۋگە بايلانىستى وزگە دە قىزمەتتەردى جۇزەگە اسىرۋعا قۇقىق بەرەتىن قۇجات;
4) ىشكى ىستەر ورگاندارى – استانا قالاسىنىڭ ىشكى ىستەر دەپارتامەنتىنىڭ كوشى-قون پوليتسياسى باسقارماسى;
5) حالىقارالىق مامانداندىرىلعان كورمەنى ۇيىمداستىرۋشى – «استانا ەكسپو-2017» ۇلتتىق كومپانياسى» اكتسيونەرلىك قوعامى;
6) سايكەستەندىرۋ كارتاسى – حالىقارالىق مامانداندىرىلعان كورمەگە قاتىسۋشىلارعا جانە (نەمەسە) قاتىسۋشىلاردىڭ قىزمەتكەرلەرىنە قازاقستان رەسپۋبليكاسىنا كەلۋگە جانە ودان كەتۋگە ساۋالناما رەتىندە قولدانىلاتىن قۇجات;
7) حالىقارالىق مامانداندىرىلعان كورمەنىڭ بىرىڭعاي باسقارۋ ورتالىعى (بۇدان ءارى – بىرىڭعاي باسقارۋ ورتالىعى) – حالىقارالىق مامانداندىرىلعان كورمەنى ۇيىمداستىرۋ جانە وتكىزۋ ماسەلەلەرى, سونىڭ ىشىندە قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋى, كەتۋى جانە ولاردى تىركەۋ ماسەلەلەرى بويىنشا وپەراتسيالاردى جۇزەگە اسىرۋ ءۇشىن قۇرىلاتىن حالىقارالىق مامانداندىرىلعان كورمەنى ۇيىمداستىرۋشىنىڭ قۇرىلىمدىق بولىمشەسى;
8) اقپاراتتىق دەرەكقور – حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە)قاتىسۋشىلاردىڭ قىزمەتكەرلەرىنىڭ ولارعا اككرەديتتەۋ كارتالارىن بەرۋ ءۇشىن بەرىلگەن سايكەستەندىرۋ كارتالارىندا كورسەتىلگەن دەرەكتەر نەگىزىندە بىرىڭعاي باسقارۋ ورتالىعى قالىپتاستىراتىن حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى تۋرالى مالىمەتتەر;
9) قۇجات – قازاقستان رەسپۋبليكاسىنا كەلۋگە نەمەسە قازاقستان رەسپۋبليكاسىنان كەتۋگە قۇقىق بەرەتىن پاسپورت نەمەسە ونى الماستىراتىن قۇجات.
3. سايكەستەندىرۋ كارتالارىن بەرۋدى ۇيىمداستىرۋدى حالىقارالىق مامانداندىرىلعان كورمەنى ۇيىمداستىرۋشى سايكەستەندىرۋ كارتاسىنىڭ نىسانىن حالىقارالىق مامانداندىرىلعان كورمەنى ۇيىمداستىرۋشىنىڭ رەسمي ينتەرنەت-رەسۋرسىناورنالاستىرۋ ارقىلى جۇزەگە اسىرادى.
4. حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى وسى قاعيدالارعا 1-قوسىمشاعا سايكەس نىسان بويىنشا سايكەستەندىرۋ كارتالارىن تولتىرادى جانە وزدەرىنىڭ قازاقستان رەسپۋبليكاسىنا كەلۋىنە دەيىن كەمىندە ەكى اي قالعاندا ولاردىڭ سكانەرلەنگەن كوشىرمەلەرىن بىرىڭعاي باسقارۋ ورتالىعىنىڭ رەسمي ەلەكتروندىق مەكەنجايىنا جىبەرەدى.
5. قازاقستان رەسپۋبليكاسىنىڭ شەتەلدىك مەكەمەلەرى بار ەلدەردىڭ ازاماتتارى بولىپ تابىلاتىن حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى ۆيزالار مەن قۇجاتتار بولعان, سونداي-اق وسى ادامدارعا قاتىستى قازاقستان رەسپۋبليكاسى زاڭدارىندا بەلگىلەنگەن شەكتەۋلەر بولماعان جاعدايدا, قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرى ارقىلى قازاقستان رەسپۋبليكاسىنا كىرەدى.
قازاقستان رەسپۋبليكاسىنا ۆيزا نەگىزىندە كىرەتىن, اككرەديتتەۋ كارتالارى جوق حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى ۆيزانىڭ ارەكەت ەتۋ مەرزىمى ىشىندە بىرىڭعاي باسقارۋ ورتالىعىنان اككرەديتتەۋ كارتالارىن الا الادى.
6. قازاقستان رەسپۋبليكاسىمەن كەلۋدىڭ جانە بولۋدىڭ ۆيزاسىز ءتارتىبى تۋرالى كەلىسىم جاساسقان مەملەكەتتەردەن كەلگەن حالىقارالىق مامانداندىرىلعان كورمەگە قاتىسۋشىلارعا جانە (نەمەسە) قاتىسۋشىلاردىڭ قىزمەتكەرلەرىنە قازاقستان رەسپۋبليكاسىنا كەلۋ ءۇشىن اككرەديتتەۋ كارتالارىنىڭ بولۋى تالاپ ەتىلمەيدى. مۇنداي جاعدايدا, حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى ۆيزاسىز بولۋ مەرزىمىندە بىرىڭعاي باسقارۋ ورتالىعىنان اككرەديتتەۋ كارتاسىن الا الادى.
7. وسى قاعيدالاردىڭ10-تارماعىندا كوزدەلگەن جاعدايلاردا حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى اككرەديتتەۋ كارتالارى مەن قۇجاتتار بولعان, سونداي-اق وسى ادامدارعا قاتىستى قازاقستان رەسپۋبليكاسىنىڭ زاڭدارىندا بەلگىلەنگەن شەكتەۋلەر بولماعان كەزدە, ۆيزاسىز قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرى ارقىلى قازاقستان رەسپۋبليكاسىنا كەلەدى.
8. اككرەديتتەۋ كارتاسى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ حالىقارالىق مامانداندىرىلعان كورمەنىڭ وبەكتىلەرىنە ەركىن كىرۋىن قامتاماسىز ەتەدى.
9. اككرەديتتەۋ كارتاسىن بىرىڭعاي باسقارۋ ورتالىعىنىڭ ۋاكىلەتتى قىزمەتكەرى حالىقارالىق مامانداندىرىلعان كورمەگە قاتىسۋشى جانە (نەمەسە) قاتىسۋشىنىڭ قىزمەتكەرى سايكەستەندىرۋ كارتاسىندا كورسەتكەن دەرەكتەر نەگىزىندە وسى قاعيدالارعا 2-قوسىمشاعاسايكەس نىسانبويىنشا تولتىرادى جانە قولىمەن جانە بىرىڭعاي باسقارۋ ورتالىعىنىڭ مورىمەن كۋالاندىرادى.
بىرىڭعاي باسقارۋ ورتالىعىنىڭ ءمورىنىڭ بەدەرى مەن اككرەديتتەۋ كارتاسىن تولتىرۋعا ۋاكىلەتتى لاۋازىمدى ادامداردىڭ قولتاڭبالارىنىڭ ۇلگىلەرىن, سايكەستەندىرۋ كارتالارى مەن اككرەديتتەۋ كارتالارىنىڭ ۇلگىلەرىن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ شەكارا قىزمەتى بولىمىنە جانە ىشكى ىستەر ورگاندارىنا ۇسىنادى.
10. اككرەديتتەۋ كارتالارى قازاقستان رەسپۋبليكاسىنىڭ شەتەلدىك مەكەمەلەرى جوق ەلدەردىڭ عانا ازاماتتارى بولىپ تابىلاتىن حالىقارالىق مامانداندىرىلعان كورمەگە قاتىسۋشىلارعا جانە (نەمەسە) قاتىسۋشىلاردىڭ قىزمەتكەرلەرىنە ولاردىڭ قازاقستان رەسپۋبليكاسىنا كەلۋىنە دەيىن كەمىندە ءبىر اي قالعاندا تاراتىلادى.
قازاقستان رەسپۋبليكاسىنىڭ شەتەلدىك مەكەمەلەرى بار ەلدەردىڭ ازاماتتارى بولىپ تابىلاتىن دەلەگاتسيالاردىڭ باسشىلارىنا جانە ولارمەن بىرگە جۇرەتىن ادامدارعا اككرەديتتەۋ كارتالارى حالىقارالىق مامانداندىرىلعان كورمەنى ۇيىمداستىرۋشىنىڭ شەشىمى بويىنشا ديپلوماتيالىق ارنالار ارقىلى ولاردىڭ قازاقستان رەسپۋبليكاسىنا كەلۋىنە دەيىن كەمىندە ءبىر اي قالعانداتاراتىلادى.
11. اككرەديتتەۋ حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلار قىزمەتكەرلەرى تۋرالى اقپاراتتى اقپاراتتىقدەرەكقورعا ەنگىزۋ جانە اككرەديتتەۋ كارتالارىن بەرۋ جولىمەن جۇزەگە اسىرىلادى. حالىقارالىق مامانداندىرىلعان كورمەگە قاتىسۋشىلارعا جانە (نەمەسە) قاتىسۋشىلاردىڭ قىزمەتكەرلەرىنە اككرەديتتەۋ كارتالارىن بىرىڭعاي باسقارۋ ورتالىعىندا بەرگەن ساتتەن باستاپ ولار اككرەديتتەلگەن بولىپ ەسەپتەلەدى.
12. اككرەديتتەۋ كارتاسى 12 ايعا دەيىنگى مەرزىمگە بەرىلەدى. بىرىڭعاي باسقارۋ ورتالىعى حالىقارالىق مامانداندىرىلعان كورمەگە قاتىسۋشىنىڭ جانە (نەمەسە) قاتىسۋشىنىڭ قىزمەتكەرىنىڭ اككرەديتتەۋ كارتاسىن ۇزارتۋ تۋرالى ءوتىنىشى نەگىزىندە كۇنتىزبەلىك ون كۇن ىشىندە ىشكى ىستەر جانە ۇلتتىق قاۋىپسىزدىك ورگاندارىمەن كەلىسىم بويىنشا اككرەديتتەۋ كارتاسىن ءبىر رەت ۇزارتۋدى جۇزەگە اسىرادى. اككرەديتتەۋ كارتاسىنىڭ ارەكەت ەتۋ مەرزىمى حالىقارالىق مامانداندىرىلعان كورمەگە قاتىسۋشىنىڭ جانە (نەمەسە) قاتىسۋشىنىڭ قىزمەتكەرىنىڭ قۇجاتىنىڭ ارەكەت ەتۋ مەرزىمىنىڭ اياقتالۋىنا دەيىن كەمىندە 3 اي قالعاندا انىقتالادى.
13. حالىقارالىق مامانداندىرىلعان كورمەنى ۇيىمداستىرۋشى حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى قازاقستان رەسپۋبليكاسىنا كەلگەنگە دەيىن كەمىندە كۇنتىزبەلىك بەس كۇن بۇرىن حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ ءتىزىمىن قالىپتاستىرادى جانە ۇلتتىق قاۋىپسىزدىك ورگاندارىنا ۇسىنادى.
حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ تىزىمىنە ەنگىزىلگەن ادامعا قاتىستى زاڭدى شەكتەۋلەر تابىلعان جاعدايدا, وسىحالىقارالىق مامانداندىرىلعان كورمەگە قاتىسۋشىعا جانە (نەمەسە) قاتىسۋشىنىڭ قىزمەتكەرىنە قازاقستان رەسپۋبليكاسىنىڭ اۋماعىنا كىرۋگە تىيىم سالىنادى.
14. بىرىڭعاي باسقارۋ ورتالىعى حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەننەن كەيىن كۇنتىزبەلىك بەس كۇن ىشىندە ولاردى تىركەۋ تۋرالى وتىنىشپەن ىشكى ىستەر ورگاندارىنا جۇگىنەدى.وتىنىشكە حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ قۇجاتتارى, شەكارانى كەسىپ وتكەندىگى تۋرالى بەلگىسى بار كوشى-قون كارتالارى جانە اككرەديتتەۋ كارتالارى قوسا بەرىلەدى.
تىركەۋدى ىشكى ىستەر ورگاندارى ءبىر جۇمىس كۇنى ىشىندە حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ اككرەديتتەۋ كارتالارىنىڭ ارەكەت ەتۋ مەرزىمىنەن اسپايتىن كەزەڭدە وتكىزەدى.
15. ۆيزاسىز كەلۋ جانە بولۋ ءتارتىبى تۋرالى راتيفيكاتسيالانعان حالىقارالىق شارتتار بار مەملەكەتتەردىڭ ازاماتتارىن تىركەۋ ۆيزاسىز بولۋ رۇقسات ەتىلگەن مەرزىمگە جۇرگىزىلەدى.
16. اككرەديتتەۋ كارتاسىنىڭ كۇشىن جويۋدى حالىقارالىق مامانداندىرىلعان كورمەنى ۇيىمداستىرۋشى مەن حالىقارالىق مامانداندىرىلعان كورمەگە قاتىسۋشى نەمەسە قاتىسۋشىنىڭ قىزمەتكەرى اراسىندا حالىقارالىق مامانداندىرىلعان كورمەگە قاتىسۋشى نەمەسە قاتىسۋشىنىڭ قىزمەتكەرىنىڭ قازاقستان رەسپۋبليكاسىندا بۇدان ءارى بولۋىنا نەگىز جوق ەكەندىگى تۋرالى اكتىگە قول قويعان كۇنى جۇرگىزىلەدى.وسى اكتىنىڭ نەگىزىندە حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى اككرەديتتەۋ كارتالارىن بىرىڭعاي باسقارۋ ورتالىعىنا قايتارادى.
مۇنداي جاعدايدا حالىقارالىق مامانداندىرىلعان كورمەنىڭ قاتىسۋشىسىنىڭ جانە (نەمەسە) قاتىسۋشىنىڭ قىزمەتكەرىنىڭ اككرەديتتەۋ كارتاسىنىڭ كۇشى جويىلعان ساتتەن باستاپ ءبىر جۇمىس كۇنى ىشىندە بىرىڭعاي باسقارۋ ورتالىعى ولارعا «ر5» ساناتىنداعى شىعۋ ۆيزاسىن بەلگىلەنگەن تارتىپپەن رەسىمدەۋ ءۇشىن ىشكى ىستەر ورگاندارىنا جۇگىنەدى.
17. حالىقارالىق مامانداندىرىلعان كورمەگە قاتىسۋشى جانە (نەمەسە) قاتىسۋشىنىڭ قىزمەتكەرى اككرەديتتەۋ كارتاسىن جوعالتقان نەمەسە جاڭا قۇجاتالعان جاعدايدا, بىرىڭعاي باسقارۋ ورتالىعى ۇلتتىق قاۋىپسىزدىك ورگاندارىمەن كەلىسە وتىرىپ, حالىقارالىق مامانداندىرىلعان كورمەگە قاتىسۋشى جانە (نەمەسە) قاتىسۋشىنىڭ قىزمەتكەرى بىرىڭعاي باسقارۋ ورتالىعىنا ءوتىنىش بەرگەن كۇننەن باستاپ ءۇش جۇمىس كۇنى ىشىندە جاڭا اككرەديتتەۋ كارتاسىن بەرەدى.
18. اككرەديتتەۋ كارتاسىنىڭ جوعالعانى, كۇشىنىڭ جويىلعانى, ۇزارتىلعانى تۋرالى, سونداي-اق جاڭا اككرەديتتەۋ كارتاسىنىڭ بەرىلگەنى تۋرالى بىرىڭعاي باسقارۋ ورتالىعى كۇنتىزبەلىك بەس كۇن ىشىندە ۇلتتىق قاۋىپسىزدىك ورگاندارىن, ىشكى ىستەر ورگاندارىن حاباردار ەتەدى.
19. حالىقارالىق مامانداندىرىلعان كورمەگە قاتىسۋشىلاردىڭ قىزمەتكەرلەرىنە سايكەستەندىرۋ جانە اككرەديتتەۋ كارتالارىن بەرۋ2014 جىلعى 1 ساۋىردەن 2017 جىلعى 1 جەلتوقسانعا دەيىنگىكەزەڭدە, حالىقارالىق مامانداندىرىلعان كورمەگە قاتىسۋشىلارعا 2017 جىلعى 1 قاڭتاردان
1 قازانعا دەيىنگى كەزەڭدە جۇزەگە اسىرىلادى.
20. اككرەديتتەۋ كارتاسى جانە ۆيزا ءبىر مەزگىلدە ارەكەت ەتكەن جاعدايدا, قازاقستان رەسپۋبليكاسىنا كىرۋ اككرەديتتەۋ كارتاسىنىڭ ارەكەت ەتۋ مەرزىمى ۆيزانىڭ ارەكەت ەتۋ مەرزىمىنەن ۇزاق بولسا, وندا اككرەديتتەۋ كارتاسى ارقىلى, ەگەر ۆيزانىڭ ارەكەت ەتۋ مەرزىمى اككرەديتتەۋ كارتاسىنىڭ ارەكەت ەتۋ مەرزىمىنەن ۇزاق بولسا, وندا ۆيزا ارقىلى جۇزەگە اسىرىلادى.
21. حالىقارالىق مامانداندىرىلعان كورمەگە قاتىسۋشىلار جانە (نەمەسە) قاتىسۋشىلاردىڭ قىزمەتكەرلەرى ولاردىڭ ساپارلارىنىڭ ماقساتى اياقتالعان جانە (نەمەسە) اككرەديتتەۋ كارتالارىنىڭ ارەكەت ەتۋ مەرزىمى وتكەن كەزدە, وسى قاعيدالاردىڭ 16-تارماعىندا كورسەتىلگەن جاعدايدى قوسپاعاندا, اككرەديتتەۋ كارتالارىن قازاقستان رەسپۋبليكاسىنان شىققان كەزدە قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ شەكارا قىزمەتى بولىمشەسىنە تاپسىرادى.
22. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى بولىمشەسى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلاردىڭ قىزمەتكەرلەرىنىڭ اككرەديتتەۋ كارتالارىن ولار قازاقستان رەسپۋبليكاسىنان شىققاننان كەيىن كۇنتىزبەلىك بەس كۇن ىشىندە بىرىڭعاي باسقارۋ ورتالىعىنا بەرەدى.
قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋ جانە ولاردى تىركەۋ قاعيدالارىنا 1-قوسىمشا
سايكەستەندىرۋ كارتاسىنىڭ نىسانى
حالىقارالىق مامانداندىرىلعان كورمە لوگوتيپى
كارتا يەسىنىڭ تەگى مەن اتى................................................جىنىسى
كارتا يەسىنىڭ فوتوسۋرەتى (3,5سم.*4,5سم.)
تۋعان جەرى: ەلى/وڭىرى
ازاماتتىعى (كارتا يەسىنىڭ پاسپورتىندا كورسەتىلگەندەي)
پاسپورت ءنومىرى .................................... پاسپورتتىڭ قولدانىلۋ مەرزىمى
تۇراتىن جەرى
اككرەديتتەۋ ساناتىنىڭ كودى مەن ءتۇسى
جاۋاپتى ۇيىم
قازاقستان رەسپۋبليكاسىنا كەلۋ كۇنى
قازاقستان رەسپۋبليكاسىندا العاشقى كەلگەن پۋنكتى
يەسىنىڭ قولى
جاۋاپتى ۇيىمنىڭ ۋاكىلەتتى ادامىنىڭ قولى مەن ءمورى
ەسكەرتپە:
سايكەستەندىرۋ كارتاسىنىڭ كولەمى– 15 سم (ەنى) * 10 سم (بيىكتىگى);
دەرەكتەر اعىلشىن تىلىندە ەنگىزىلەدى.
قازاقستان رەسپۋبليكاسىنىڭ اۋماعىنداعى حالىقارالىق مامانداندىرىلعان كورمەگە قاتىسۋشىلاردىڭ جانە (نەمەسە) قاتىسۋشىلار قىزمەتكەرلەرىنىڭ كەلۋ جانە ولاردى تىركەۋ قاعيدالارىنا 2-قوسىمشا
اككرەديتتەۋ كارتاسىنىڭ نىسانى
فوتوسۋرەت (3,5سم.*4,5سم.) حالىقارالىق مامانداندىرىلعان كورمە لوگوتيپى
اككرەديتتەۋ ساناتىنىڭ كودى مەن ءتۇسى
شتريح كودى
اككرەديتتەۋ ءنومىرى
كارتا يەسىنىڭ تەگى مەن اتى فۋنكتسياسى فۋنكتسيا كودى
وبەكتىلەرگە رۇقسات
ورنالاسۋ ورىندارى
كولىك ءتۇرى
پاسپورت ءنومىرى
پاسپورتتىڭ قولدانىلۋ مەرزىمى
اككرەديتتەۋ كارتاسىنىڭ قولدانىلۋ مەرزىمى
اككرەديتتەۋ كارتاسىنىڭ ۇزارتىلعان كۇنى جانە سانى
اككرەديتتەۋ كارتاسىنىڭ قولدانىلۋ مەرزىمىن قىسقارتۋ تۋرالى بەلگى
حالىقارالىق مامانداندىرىلعان كورمەنىڭ بىرىڭعاي باسقارۋ ورتالىعىنىڭ ۋاكىلەتتى
قىزمەتكەرىنىڭ ت.ا.ءا. جانە قولى
ءمور ورنى
وسى كارتانىڭ يەسىنە قازاقستان رەسپۋبليكاسىنىڭ كىرۋ-شىعۋ ۆيزاسى تالاپ ەتىلمەيدى
ەسكەرتپە:
اككرەديتتەۋ كارتاسىنىڭ كولەمى – 10 سم (ەنى) * 15 سم (بيىكتىگى);
دەرەكتەر اعىلشىن تىلىندە ەنگىزىلەدى.