2014 جىلعى 21 مامىر, استانا, ۇكىمەت ءۇيى
«باعالى مەتالدارمەن, ولاردان جاسالعان ونىمدەردى قوسپاعاندا, جانە قۇرامىندا باعالى مەتالدارى بار شيكىزات تاۋارلارىمەن وپەراتسيالاردى جۇزەگە اسىراتىن زاڭدى تۇلعالار مەن دارا كاسىپكەرلەردى ارنايى ەسەپكە قويۋ تۋرالى انىقتاما بەرۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان «باعالى مەتالدارمەن, ولاردان جاسالعان ونىمدەردى قوسپاعاندا, جانە قۇرامىندا باعالى مەتالدارى بار شيكىزات تاۋارلارىمەن وپەراتسيالاردى جۇزەگە اسىراتىن زاڭدى تۇلعالار مەن دارا كاسىپكەرلەردى ارنايى ەسەپكە قويۋ تۋرالى انىقتاما بەرۋ» مەملەكەتتىك كورسەتىلەتىن قىزمەت ستاندارتى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 21 مامىرداعى
№ 529 قاۋلىسىمەن بەكىتىلگەن
«باعالى مەتالدارمەن, ولاردان جاسالعان ونىمدەردى قوسپاعاندا, جانە قۇرامىندا باعالى مەتالدارى بار شيكىزات تاۋارلارىمەن وپەراتسيالاردى جۇزەگە اسىراتىن زاڭدى تۇلعالار مەن دارا كاسىپكەرلەردى ارنايى ەسەپكە قويۋ تۋرالى انىقتاما بەرۋ» مەملەكەتتىك كورسەتىلەتىن قىزمەت ستاندارتى
1. جالپى ەرەجەلەر
1. «باعالى مەتالدارمەن, ولاردان جاسالعان ونىمدەردى قوسپاعاندا, جانە قۇرامىندا باعالى مەتالدارى بار شيكىزات تاۋارلارىمەن وپەراتسيالاردى جۇزەگە اسىراتىن زاڭدى تۇلعالار مەن دارا كاسىپكەرلەردى ارنايى ەسەپكە قويۋ تۋرالى انىقتاما بەرۋ» مەملەكەتتىك كورسەتىلەتىن قىزمەتى (بۇدان ءارى – مەملەكەتتىك كورسەتىلەتىن قىزمەت).
2. مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى (بۇدان ءارى - مينيسترلىك) ازىرلەدى.
3. مەملەكەتتىك قىزمەتتى مينيسترلىكتىڭ ونەركاسىپ كوميتەتى (بۇدان ءارى - كورسەتىلەتىن قىزمەتتى بەرۋشى) كورسەتەدى.
قۇجاتتاردى قابىلداۋ مەن مەملەكەتتىك قىزمەت كورسەتۋ ناتيجەلەرىن
بەرۋ:
1) كورسەتىلەتىن قىزمەتتى بەرۋشىنىڭ كەڭسەسى;
2) «ەلەكتروندىق ۇكىمەتتىڭ» www.egov.kz ۆەب-پورتالى (بۇدان ءارى – پورتال) ارقىلى جۇزەگە اسىرىلادى.
2. مەملەكەتتىك قىزمەت كورسەتۋ ءتارتىبى
4. مەملەكەتتىك قىزمەتتى كورسەتۋ مەرزىمى:
1) قۇجاتتار توپتاماسىن تاپسىرعان ساتتەن باستاپ, سونداي-اق پورتالعا ءوتىنىش بەرگەن كەزدە - كۇنتىزبەلىك 5 (بەس) كۇن;
2) قۇجاتتار توپتاماسىن تاپسىرۋ ءۇشىن كۇتۋدىڭ بارىنشا رۇقسات ەتىلەتىن ەڭ ۇزاق ۋاقىتى - 20 (جيىرما) مينۋت;
3) قىزمەت كورسەتۋدىڭ بارىنشا رۇقسات ەتىلەتىن ەڭ ۇزاق ۋاقىتى – 15 (ون بەس) مينۋت.
5. مەملەكەتتىك قىزمەت كورسەتۋ نىسانى: ەلەكتروندىق ء(ىشىنارا اۆتوماتتاندىرىلعان) جانە (نەمەسە) قاعاز تۇرىندە.
6. مەملەكەتتىك كورسەتىلەتىن قىزمەتتىڭ ناتيجەسى – باعالى مەتالدارمەن, ولاردان جاسالعان ونىمدەردى قوسپاعاندا, جانە قۇرامىندا باعالى مەتالدارى بار شيكىزات تاۋارلارىمەن وپەراتسيالاردى جۇزەگە اسىراتىن زاڭدى تۇلعالار مەن دارا كاسىپكەرلەردى ارنايى ەسەپكە قويۋ تۋرالى انىقتاما (بۇدان ءارى - انىقتاما).
مەملەكەتتىك قىزمەت كورسەتۋ ناتيجەسىن بەرۋ نىسانى: ەلەكتروندىق.
انىقتامانى قاعاز جەتكىزگەنگە الۋعا جۇگىنگەن جاعدايدا, مەملەكەتتىك قىزمەت كورسەتۋ ناتيجەسى ەلەكتروندىق فورماتتا رەسىمدەلەدى, باسىپ شىعارىلادى جانە كورسەتىلەتىن قىزمەتتى بەرۋشىنىڭ ۋاكىلەتتى ادامىنىڭ قولىمەن راستالادى.
پورتال ارقىلى جۇگىنگەن جاعدايدا, مەملەكەتتىك قىزمەت كورسەتۋ ناتيجەسى كورسەتىلەتىن قىزمەتتى بەرۋشىنىڭ ۋاكىلەتتى تۇلعاسىنىڭ ەلەكتروندىق تسيفرلىق قولتاڭباسىمەن (بۇدان ءارى – ەتسق) كۋالاندىرىلعان ەلەكتروندىق قۇجات نىساندا «جەكە كابينەتكە» جىبەرىلەدى.
7. مەملەكەتتىك قىزمەت جەكە جانە زاڭدى تۇلعالارعا (بۇدان ءارى – كورسەتىلەتىن قىزمەتتى الۋشى) تەگىن نەگىزدە كورسەتىلەدى.
8. جۇمىس كەستەسى:
1) كورسەتىلەتىن قىزمەتتى بەرۋشى – قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرىنەن باسقا, دۇيسەنبىدەن باستاپ جۇمانى قوسا العاندا, ساعات 13.00-دەن 14.30-عا دەيىن تۇسكى ۇزىلىسپەن ساعات 9.00-دەن 18.30-عا دەيىن. مەملەكەتتىك قىزمەت الدىن الا جازىلۋسىز جانە جەدەلدەتىلگەن قىزمەت كورسەتۋسىز كورسەتىلەدى;
2) پورتال – تاۋلىك بويى (جوندەۋ جۇمىستارىن جۇرگىزۋگە بايلانىستى تەحنيكالىق ۇزىلىستەردى قوسپاعاندا).
9. مەملەكەتتىك قىزمەت كورسەتۋ ءۇشىن قاجەتتى قۇجاتتاردىڭ تىزبەسى:
1) كورسەتىلەتىن قىزمەتتى بەرۋشىگە:
ۇيىمنىڭ اتاۋى نەمەسە دارا كاسىپكەردىڭ دەرەكتەرى, زاڭدى مەكەنجايى كورسەتىلەتىن انىقتامانى الۋعا ارنالعان ەركىن نىسانداعى ءوتىنىمحات;
2) پورتالعا:
ۇيىمنىڭ اتاۋى نەمەسە دارا كاسىپكەردىڭ دەرەكتەرى, زاڭدى مەكەنجايى كورسەتىلەتىن انىقتامانى الۋعا ارنالعان ەركىن نىسانداعى ءوتىنىمحات.
پورتالدا ەلەكتروندىق سۇراتۋدى قابىلداۋ كورسەتىلەتىن قىزمەتتى الۋشىنىڭ «جەكە كابينەتىندە» جۇزەگە اسىرىلادى, قۇجاتتار كورسەتىلەتىن قىزمەتتى الۋشىنىڭ ەتسق-مەن كۋالاندىرىلعان قۇجاتتاردىڭ ەلەكتروندىق كوشىرمەلەرى تۇرىندە بەرىلەدى.
جەكە باستى كۋالاندىراتىن, زاڭدى تۇلعانى, دارا كاسىپكەردى مەملەكەتتىك تىركەۋ (قايتا تىركەۋ) تۋرالى قۇجاتتاردىڭ مالىمەتتەرىن كورسەتىلەتىن قىزمەتتى الۋشى ۋاكىلەتتى ادامداردىڭ ەتسق-مەن كۋالاندىرىلعان ەلەكتروندىق قۇجاتتار نىسانىندا پورتال ارقىلى ءتيىستى مەملەكەتتىك اقپاراتتىق جۇيەلەردەن الادى.
كورسەتىلەتىن قىزمەتتى الۋشى بارلىق قاجەتتى قۇجاتتاردى تاپسىرعان
كەزدە:
1) كورسەتىلەتىن قىزمەتتى بەرۋشىگە (قولما-قول نە پوچتا ارقىلى) - قاعاز جەتكىزگىشتەگى ءوتىنىشتىڭ قابىلدانعانىن راستاۋ ونىڭ كوشىرمەسىندەگى قۇجاتتاردىڭ توپتاماسىن قابىلداۋ ۋاقىتى مەن كۇنىن كورسەتە وتىرىپ, كورسەتىلەتىن قىزمەتتى بەرۋشىنىڭ كەڭسەسىندە تىركەۋ تۋرالى بەلگى بولىپ تابىلادى;
2) پورتال ارقىلى – كورسەتىلەتىن قىزمەتتى الۋشىنىڭ «جەكە كابينەتىندە» مەملەكەتتىك قىزمەت كورسەتۋ ناتيجەسىن الۋ كۇنىن كورسەتە وتىرىپ, مەملەكەتتىك قىزمەت كورسەتۋ ءۇشىن سۇراتۋدىڭ قابىلداعانى تۋرالى مارتەبە كورسەتىلەدى.
3. ورتالىق مەملەكەتتىك ورگاننىڭ, كورسەتىلەتىن قىزمەتتى بەرۋشىنىڭ جانە (نەمەسە) ولاردىڭ لاۋازىمدى ادامدارىنىڭ مەملەكەتتىك قىزمەتتەر كورسەتۋ ماسەلەلەرى بويىنشا شەشىمدەرىنە, ارەكەتىنە (ارەكەتسىزدىگىنە) شاعىمدانۋ ءتارتىبى
10. كورسەتىلەتىن قىزمەتتى بەرۋشىنىڭ جانە (نەمەسە) ونىڭ لاۋازىمدى ادامدارىنىڭ مەملەكەتتىك قىزمەتتەر كورسەتۋ ماسەلەلەرى بويىنشا شەشىمدەرىنە, ارەكەتىنە (ارەكەتسىزدىگىنە) شاعىمدانۋ: شاعىم كورسەتىلەتىن قىزمەتتى بەرۋشىنىڭ نەمەسە مينيسترلىك باسشىسىنىڭ اتىنا: 010000, استانا قالاسى, قابانباي باتىر داڭعىلى, 32/1, «ترانسپورت تاۋەر» عيماراتى, № 2117 كابينەت مەكەنجايى بويىنشا بەرىلەدى, تەلەفونى: 8 (7172) 24 04 75, 29 08 48.
شاعىم جازباشا نىساندا پوچتا ارقىلى نە كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ كەڭسەسى ارقىلى قولما-قول بەرىلەدى.
شاعىمدى قابىلداعان ادامنىڭ تەگى مەن اتى-ءجونىن, بەرىلگەن شاعىمعا جاۋاپ الۋ ورنى مەن مەرزىمىن كورسەتە وتىرىپ, كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ كەڭسەسىندە شاعىمنىڭ تىركەلۋى ء(مورتاڭبا, كىرىس ءنومىرى مەن كۇنى) ونىڭ قابىلدانعانىن راستاۋ بولىپ تابىلادى. تىركەلگەننەن كەيىن شاعىم جاۋاپتى ورىنداۋشىنى ايقىنداۋ جانە ءتيىستى شارالاردى قابىلداۋ ءۇشىن كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ باسشىسىنا جىبەرىلەدى.
كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى تىركەلگەن كۇنىنەن باستاپ بەس جۇمىس كۇنى ىشىندە قارالۋعا ءتيىس. شاعىمدى قاراۋ ناتيجەلەرى تۋرالى دالەلدى جاۋاپ كورسەتىلەتىن قىزمەتتى الۋشىعا پوچتا ارقىلى جىبەرىلەدى نە كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ كەڭسەسىندە قولما-قول بەرىلەدى.
شاعىمدانۋ ءتارتىبى تۋرالى اقپاراتتى بىرىڭعاي بايلانىس ورتالىعىنىڭ 1414 تەلەفونى ارقىلى الۋعا بولادى.
شاعىمدى پورتال ارقىلى جىبەرگەن كەزدە كورسەتىلەتىن قىزمەتتى الۋشىعا «جەكە كابينەتتەن» كورسەتىلەتىن قىزمەتتى بەرۋشى ءوتىنىشتى وندەۋ (جەتكىزۋ, تىركەۋ, ورىنداۋ تۋرالى بەلگىلەر, شاعىمدى قاراۋ نەمەسە قاراۋدان باس تارتۋ تۋرالى جاۋاپ) بارىسىندا جاڭارتىپ وتىراتىن شاعىم تۋرالى اقپارات قولجەتىمدى بولادى.
كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايدا, كورسەتىلەتىن قىزمەتتى الۋشى مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا شاعىممەن جۇگىنە الادى.
كورسەتىلەتىن قىزمەتتى الۋشىنىڭ مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ اتىنا كەلىپ تۇسكەن شاعىمى تىركەلگەن كۇنىنەن باستاپ ون بەس جۇمىس كۇنى ىشىندە قارالۋعا ءتيىس.
11. كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايلاردا, كورسەتىلەتىن قىزمەتتى الۋشىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا جۇگىنۋگە قۇقىعى بار.
4. مەملەكەتتىك قىزمەتتى, ونىڭ ىشىندە ەلەكتروندىق نىساندا كورسەتۋ ەرەكشەلىكتەرىن ەسكەرە وتىرىپ قويىلاتىن وزگە دە تالاپتار
12. مەملەكەتتىك قىزمەت كورسەتۋ ورىندارىنىڭ مەكەنجايلارى كورسەتىلەتىن قىزمەتتى بەرۋشىنىڭ www.comprom.kz ينتەرنەت-رەسۋرسىندا, «مەملەكەتتىك كورسەتىلەتىن قىزمەتتەر» بولىمىندە ورنالاسقان.
13. كورسەتىلەتىن قىزمەتتى الۋشىنىڭ ەتسق بولعان جاعدايدا, مەملەكەتتىك كورسەتىلەتىن قىزمەتتى پورتال ارقىلى ەلەكتروندىق نىساندا الۋعا مۇمكىندىگى بار.
14. كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ءتارتىبى مەن مارتەبەسى تۋرالى اقپاراتتى پورتالداعى «جەكە كابينەتى», سونداي-اق مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى ارقىلى قاشىقتىقتان قول جەتكىزۋ رەجيمىندە الۋعا مۇمكىندىگى بار.
15. مەملەكەتتىك قىزمەت كورسەتۋ ماسەلەلەرى جونىندەگى انىقتاما قىزمەتتەردىڭ بايلانىس تەلەفوندارى: 8 (7172) 24 28 42, 29 90 86. مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى: 1414.