2014 جىلعى 19 مامىر, استانا, ۇكىمەت ءۇيى
شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ايقىنداۋ قاعيدالارىن بەكىتۋ تۋرالى
2008 جىلعى 10 جەلتوقسانداعى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ 279-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ايقىنداۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 19 مامىرداعى № 507 قاۋلىسىمەن بەكىتىلگەن
شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ايقىنداۋ قاعيدالارى
1. جالپى ەرەجەلەر
1. وسى شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ايقىنداۋ قاعيدالارى (بۇدان ءارى — قاعيدالار) 2008 جىلعى 10 جەلتوقسانداعى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ 279-بابىنا سايكەس ازىرلەندى.
2. قاعيدالار شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ايقىنداۋ ءتارتىبىن بەلگىلەيدى.
3. وسى قاعيدالاردا قولدانىلاتىن تەرميندەر مەن انىقتامالار:
1) ساۋدا قىزمەتىن رەتتەۋ سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) – ساۋدا قىزمەتى سالاسىندا باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
2) يمپورتتالاتىن تاۋارلاردىڭ قوسىمشا تىزبەسى (بۇدان ءارى - قوسىمشا تىزبە) – قازاقستان رەسپۋبليكاسىنىڭ سالىق زاڭناماسىنا سايكەس اكتسيز سالۋعا جاتقىزىلاتىن قازاقستان رەسپۋبليكاسىنا يمپورتتالاتىن تاۋارلاردىڭ تىزبەسى;
3) تاۋار – كەز كەلگەن جىلجىمالى م ۇلىك, ونىڭ ىشىندە قازاقستان رەسپۋبليكاسىنىڭ كەدەندىك شەكاراسى ارقىلى وتكىزىلەتىن (جولاۋشىلار مەن تاۋارلاردىڭ حالىقارالىق تاسىمالى ءۇشىن قولدانىلاتىن كولىك قۇرالدارىن قوسپاعاندا) كولىك قۇرالدارى;
4) تاۋاردىڭ شىعارىلعان ەلى - تاۋار تولىعىمەن وندىرىلگەن نەمەسە جەتكىلىكتى تۇردە وڭدەۋگە (قايتا وڭدەۋگە) ۇشىراعان ەل.
4. شىعارىلعان ەلى بويىنشا اكتسيزدەر سالۋعا جاتقىزىلاتىن يمپورتتالاتىن تاۋارلاردىڭ قوسىمشا تىزبەسىن ۋاكىلەتتى ورگان ايقىندايدى.
2. شىعارىلعان ەلى بويىنشا اكتسيزدەر سالۋعا جاتقىزىلاتىن
يمپورتتالاتىن تاۋارلاردىڭ قوسىمشا تىزبەسىن ايقىنداۋ ءتارتىبى
5. قازاقستان رەسپۋبليكاسىنىڭ كەدەن ورگانىنىڭ سىرتقى ساۋداسىنىڭ كەدەندىك ستاتيستيكاسىنىڭ دەرەكتەرى نەگىزىندە ۋاكىلەتتى ورگان ەلدەر بولىنىسىندە تاۋارلار يمپورتىنىڭ جاي-كۇيى مەن سەرپىنىنە توقسان سايىن تالداۋ جۇرگىزەدى,
ونىڭ نەگىزىندە تاۋارلار يمپورتى كولەمىنىڭ ۇلعايۋى, سونداي-اق ولاردىڭ ءوسۋ قارقىنى انىقتالادى.
6. تالداۋ ناتيجەلەرىنىڭ نەگىزىندە ۋاكىلەتتى ورگان يمپورتىنىڭ ۇلەسى وسى تاۋاردىڭ ءۇشىنشى ەلدەردەن قازاقستان رەسپۋبليكاسىنا يمپورتىنىڭ جالپى كولەمىنەن 30 پايىزدان ارتىق ەلدەر بولىنىسىندە نەعۇرلىم كوپ يمپورتتالاتىن تاۋارلار تىزبەسىن جاسايدى.
7. ۋاكىلەتتى ورگان قوسىمشا تىزبە قالىپتاستىرۋ ءۇشىن نەعۇرلىم كوپ يمپورتتالاتىن تاۋارلاردىڭ تىزبەسىن قازاقستان رەسپۋبليكاسىنىڭ مۇددەلى مەملەكەتتىك ورگاندارىمەن كەلىسەدى.
8. ۋاكىلەتتى ورگان قازاقستان رەسپۋبليكاسىنىڭ مۇددەلى مەملەكەتتىك ورگاندارىمەن كەلىسۋدىڭ قورىتىندىلارى بويىنشا يمپورتتالاتىن تاۋارلاردىڭ قوسىمشا تىزبەسىن قالىپتاستىرادى.
9. يمپورتتالاتىن تاۋارلاردىڭ قوسىمشا تىزبەسىن ايقىنداۋ جونىندەگى ۇسىنىستى ۋاكىلەتتى ورگان قازاقستان رەسپۋبليكاسىنىڭ ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسياسىنىڭ قاراۋىنا شىعارادى.
10. قازاقستان رەسپۋبليكاسىنىڭ ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسياسى شەشىمىن ەسكەرە وتىرىپ, ۋاكىلەتتى ورگان يمپورتتالاتىن تاۋارلاردىڭ قوسىمشا تىزبەسىن بەكىتەدى.
11. قازاقستان رەسپۋبليكاسىنىڭ كەدەن ورگانىنىڭ سىرتقى ساۋداسىنىڭ كەدەندىك ستاتيستيكاسىنىڭ دەرەكتەرى نەگىزىندە ۋاكىلەتتى ورگان توقسان سايىن ەلدەر بولىنىسىندە قوسىمشا تىزبەدە كورسەتىلگەن تاۋارلاردىڭ يمپورتى بويىنشا مونيتورينگ جۇرگىزەدى.
12. ۋاكىلەتتى ورگان يمپورتتالاتىن تاۋاردى قوسىمشا تىزبەگە قوسۋ نەمەسە يمپورتتالاتىن تاۋاردى قوسىمشا تىزبەدەن الىپ تاستاۋ جونىندەگى ۇسىنىستى وسى قاعيدالاردىڭ 5 - 9-تارماقتارىندا بەلگىلەنگەن تارتىپپەن قازاقستان رەسپۋبليكاسىنىڭ ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسياسىنىڭ قاراۋىنا شىعارادى.
13. قازاقستان رەسپۋبليكاسىنىڭ ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسياسىنىڭ شەشىمىن ەسكەرە وتىرىپ, ۋاكىلەتتى ورگان يمپورتتالاتىن تاۋاردى قوسىمشا تىزبەگە قوسادى نەمەسە يمپورتتالاتىن تاۋاردى قوسىمشا تىزبەدەن الىپ تاستايدى.