قاسىم-جومارت توقاەۆ باستاعان سەنات دەپۋتاتتارى مەن اپپارات قىزمەتكەرلەرى استاناداعى ق.قۋانىشباەۆ اتىنداعى اكادەميالىق مۋزىكالىق-دراما تەاترىندا بولدى.
پوەتيكالىق «مۇقاعالي» دراماسىن ىقىلاسپەن تاماشالاعان سەناتورلار اكتەرلەردىڭ شەبەرلىگى مەن رەجيسسەردىڭ تاپقىر شەشىمدەرىن جوعارى باعالادى.
«ءسوز ونەرىن قاستەرلەيتىن كوپتەگەن ۇرپاقتىڭ كوكەيىندەگى ويدى جەتكىزگەن اقيىق اقىن مۇقاعالي ماقاتاەۆتىڭ شىعارمالارى زور ىقىلاس تۋعىزادى. «مۇقاعالي» دراماسىندا ءبىزدىڭ كورنەكتى وتانداسىمىزدىڭ شىعارماشىلىق جولىنداعى بارلىق بەل-بەلەستەرى تۇگەلدەي كورىنىس تاپقان. قازاق مۋزىكالىق دراما تەاترىنىڭ ساحنا شەبەرلەرىنە تابىسقا جەتە بەرۋلەرىنە تىلەكتەستىگىمدى جەتكىزگىم كەلەدى», دەدى ق.توقاەۆ, دەپ حابارلادى پارلامەنت سەناتىنىڭ باسپاسوز قىزمەتى.