● «سامۇرىق-قازىنا» بيىل قۇنى 3 ملرد. دوللاردى قۇرايتىن 16 جوبانى iسكە قوسادى. قازىردىڭ وزiندە مۇندا 10 مىڭ جۇمىس ورنى قۇرىلعان. ال 2015-2016 جىلدارى 23 ملرد. دوللارلىق 40 جوبا جۇزەگە اسىپ, وعان 9,5 مىڭ جۇمىس قولى تارتىلادى.
● جەزقازعان كەن ورىندارىنداعى گەولوگيالىق بارلاۋ جۇمىستارىنا 25,1 ملرد. تەڭگە بولىنەدى. ول جەزقازعان, ساتباەۆ قالالارى مەن ۇلىتاۋ اۋدانىن الەۋمەتتىك-ەكونوميكالىق دامىتۋدىڭ 2012-2020 جىلدارعا ارنالعان كەشەندى جوسپارى اياسىندا اتقارىلاتىن شارالاردى قارجىلاندىرادى.
● كۇرشىم اۋدانىندا وتان سوعىسى ارداگەرلەرىنە ارنالعان فورۋم اياقتالدى. شىعىس قازاقستان وبلىسىنىڭ اكىمى بەردىبەك ساپارباەۆتىڭ باستاماسىمەن قولعا الىنعان شارا ەندى ايماقتىڭ باسقا وڭىرلەرىندە ءوزىنىڭ جالعاسىن تاۋىپ, ۇلى جەڭىستىڭ 70 جىلدىعى قارساڭىندا قورىتىندىسىن شىعارادى.
● قىزىلوردادا سىرداريا وزەنى ۇستىندەگى جاڭا كوپىردىڭ قۇرىلىسى باستالدى. كەشە ىرگەتاسى قالانعان بۇل شاراعا وبلىس اكىمى قىرىمبەك كوشەرباەۆ قاتىسىپ, جاڭا وتكەل داريانىڭ سول جاعالاۋىن دامىتۋ ءىسىنىڭ باستاۋى بولاتىنىن ايتتى. نىسان قۇرىلىسى اياقتالىسىمەن, وزەننىڭ قارسى بەتىندە جاڭا ءزاۋلىم عيماراتتار بوي كوتەرەتىن بولادى.
● شىمكەنتتەگى قوشقار- اتا وزەنىندە جاڭا دەمالىس ورنى قاتارعا قوسىلدى. ونىڭ سالتاناتتى اشىلۋ راسىمىنە قاتىسقان وبلىس اكىمى اسقار مىرزاحمەتوۆ 12 گەكتار اۋماقتى الاتىن مەكەندەگى ارنا بويىمەن بالالار جانە سپورت الاڭدارى كەلۋشىلەرگە قىزمەت ەتەتىنىن اڭگىمەلەدى.
● قوستانايدا «اگروبيزنەس-2020» باعدارلاماسىنا نەسيە بەرۋدىڭ تۇساۋكەسەرى ءوتتى. وبلىستا بۇل سالادا قوي جانە جىلقى شارۋاشىلىقتارىن دامىتۋ باسىڭقى باعىت الىپ وتىر. نەسيە سىزباسىندا ماسەلەنىڭ وسى جاعى ەسكەرىلدى.
● الماتىدا 18 970 بالا جازعى لاگەرلەردە دەمالاتىن بولدى. بۇلاردىڭ ءبارى ءبىرىنشى ساۋىقتىرۋ كەزەڭىندە مەكتەپ جانىنداعى تىنىعۋ مەكەندەرىنە بارادى. ولاردىڭ ىشىندە 156 لاگەردە 11 632 بالا ىستىق تاماقپەن, 8 لاگەردە 834 بالا كۇندىزگى ۇيقىمەن, 19 لاگەردە 7 338 بالا ويىن الاڭىمەن قامتىلعان.
● جامبىل وبلىسىنىڭ اكىمى وتباسى تەكتەس بالالار ۇيىنە شاعىن اۆتوبۋس سىيلادى. وسىعان رازى بولعان 15 بالالى مەكەننىڭ يەلەرى, ەرلى-زايىپتى الەكسەي جانە ناتاليا تيموفەەۆتەر كارىم كوكىرەكباەۆقا العىس سەزىمدەرىن ءبىلدىردى.
«قازاقپارات», BNews.kz, اltaynews.kz, اlau.kz,
Egemen.kz اگەنتتىكتەرى مەن «زناميا ترۋدا» دەرەكتەرى
بويىنشا دايىندالدى.