استانادا قازاقستان رەسپۋبليكاسى سىرتقى ىستەر مينيسترلىگىنىڭ توراعالىعىمەن تمد-عا قاتىسۋشى مەملەكەتتەر سىرتقى ىستەر مينيسترلىكتەرىنىڭ كونسۋلدىق قىزمەت باسشىلارى كونسۋلتاتيۆتىك كەڭەسىنىڭ ءححى وتىرىسى ءوتتى.
وتىرىسقا ارمەنيا رەسپۋبليكاسىنىڭ, بەلارۋس رەسپۋبليكاسىنىڭ, قىرعىز رەسپۋبليكاسىنىڭ, رەسەي فەدەراتسياسىنىڭ, تاجىكستان رەسپۋبليكاسىنىڭ, ۋكراينانىڭ جانە تمد اتقارۋشى كوميتەتىنىڭ وكىلدەرى قاتىستى.
اتالعان شارا بارىسىندا تاراپتار ەۋروپا وداعىمەن ۆيزالىق ءتارتىپتى جەڭىلدەتۋ ءجونىندە كەلىسسوزدەر ۇدەرىسىن جۇرگىزۋدەگى تاجىريبەلەرىمەن ءبولىسىپ, تمد اۋماعىنداعى ەڭبەك ميگرانتتارىنىڭ جاعدايلارى, زاڭسىز ەڭبەك كوشى-قون ماسەلەلەرى جانە دوستاستىق ەلدەرى ازاماتتارىنىڭ ءوزارا ساپارلارى بويىنشا اقپاراتتارمەن الماستى.
سونىمەن قاتار, تاراپتار تابيعي اپات پەن توتەنشە جاعدايلاردا ازاماتتاردى ەۆاكۋاتسيالاۋ سالاسىندا ىنتىماقتاسۋ جانە تاراپتار اۋماعىندا تمد ەلدەرى ازاماتتارىنىڭ ۇستالۋى, قامالۋى جانە بوساتىلۋى جونىندەگى حابارلامالاردى ۋاقتىلى جولداۋدى قامتاماسىز ەتۋ, سونداي-اق, تمد شەڭبەرىندەگى كوپجاقتى كونۆەنتسيالار ەرەجەلەرىنىڭ ورىندالۋ ماسەلەلەرىن تالقىلادى.
ءححى وتىرىستىڭ ناتيجەسى بويىنشا قول جەتكىزىلگەن ۋاعدالاستىقتاردى ايقىندايتىن حاتتاماعا قول قويىلدى.
«ەگەمەن-اقپارات».