ايەلدەر تەننيس قاۋىمداستىعى (WTA) 2022 جىلعى سپورتشىلار رەيتينگىنىڭ سوڭعى نۇسقاسىن جاريالادى, دەپ حابارلايدى Egemen.kz Sports.kz سايتىنا سىلتەمە جاساپ.
الەمنىڭ ءبىرىنشى راكەتكاسى اتاعىن پولشالىق يگا سۆياتەك ساقتاپ قالدى. ەكىنشى ورىندى تۋنيس وكىلى ونس دجابەر, ءۇشىنشى ورىندى امەريكالىق دجەسسيكا پەگۋلا يەلەندى.
قازاقستاندىق تەننيسشى ەلەنا رىباكينا 21-ورىندا تۇر. يۋليا پۋتينتسەۆا 51-ورىندا.
جۇپتىق سايىستا چەحيالىق كاتەرينا سينياكوۆا, رەسەيلىك ۆەرونيكا كۋدەرمەتوۆا جانە تاعى ءبىر چەح سپورتشىسى باربورا كرەيچيكوۆا كوش باستاپ تۇر.
قازاقستاندىق اننا دانيلينا 11-ءشى بولىپ قالدى, جىبەك قۇلامباەۆا ءبىر پوزيتسياعا تومەن ءتۇسىپ, 202-ورىنعا جايعاستى.