باس پروكۋراتۋرا قازاقستانداعى جەو جۇمىسىن تەكسەرەدى. بۇل تۋرالى باس پروكۋروردىڭ ورىنباسارى جاندوس ومىراليەۆ مالىمدەدى, دەپ حابارلايدى Egemen.kz.
«جەو بويىنشا تەكسەرۋلەر كەشەنىن جۇرگىزۋدى جوسپارلاپ وتىرمىز, بىراق قازىر بارلىق جەو-نى بىردەۋ تەكسەرۋ مۇمكىن ەمەس. كەيبىر تەكسەرۋلەر جەو-نىڭ قالىپتى جۇمىسىنا كەدەرگى كەلتىرۋى مۇمكىن ەكەنىن تۇسىنەمىز. سوندىقتان ءبىز پروكۋراتۋرا ورگاندارىنىڭ, ۋاكىلەتتى ورگانداردىڭ ارالاسۋى تالاپ ەتىلەتىن جاعدايلاردى عانا قاراستىرامىز», دەدى باس پروكۋروردىڭ ورىنباسارى جاندوس ومىراليەۆ.
ونىڭ ايتۋىنشا, قازىر ريددەر مەن ەكىباستۇزداعى جەو-لاردا تەكسەرۋ جۇمىستارى ءجۇرىپ جاتىر.
«ريددەر بويىنشا تەكسەرۋلەر جالعاسۋدا. وندا تج جەلىسى, ونەركاسىپتىك قاۋىپسىزدىك, جەو-نىڭ قالىپتى قىزمەتىنە قويىلاتىن باسقا دا تالاپتار جەلىسى بويىنشا كوپتەگەن بۇزۋشىلىقتار انىقتالدى», دەدى سپيكەر.
باس پروكۋراتۋرانىڭ قوعامدىق مۇددەلەردى قورعاۋ قىزمەتىنىڭ باستىعى ساپاربەك نۇرپەيىسوۆ ريددەر جەو قاۋىپسىزدىك جەلىسى بويىنشا بارلىعى 70, ءورت قاۋىپسىزدىگى بويىنشا 40-تان استام بۇزۋشىلىق انىقتالعانىن قوسا ايتتى.