ارگەنتينا ۇلتتىق بانكىنىڭ وكىلدەرى بانكنوتتارعا فۋتبولدان ۇلتتىق قۇراما كاپيتانى ليونەل مەسسيدىڭ بەينەسىن قولدانباق, دەپ حابارلايدى Egemen.kz.
وسىلايشا, بانك ۇلتتىق قۇرامانىڭ 2022 جىلى كاتاردا وتكەن الەم چەمپيوناتىنداعى جەڭىسىن ەستەلىك ەتپەك. مەسسيدىڭ بەينەسى 1000 پەسوعا قولدانىلادى دەپ جوسپارلانعان. بۇل بانكنوتتىڭ نومينالى مەسسيدىڭ جەيدەسىندەگى نومىردەن, ياعني 10 سانىنان باستالۋىمەن بايلانىستى. ارتقى جاعىندا ارگەنتينا قۇراماسىنىڭ جاتتىقتىرۋشىسى ليونەل سكالونيدىڭ لاقاپ اتى لا سكالونەتا دەگەن جازۋ بولادى.