استاناداعى «الاۋ» مۇز سارايىندا مانەرلەپ سىرعاناۋدان قازاقستان رەسپۋبليكاسىنىڭ چەمپيوناتى باستالدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
جىل سايىن ءداستۇرلى تۇردە وتەتىن تۋرنيرگە ءار ءتۇرلى جاستاعى كوماندالار قاتىسادى. سپورتشىلار سپورت شەبەرىنە ۇمىتكەر جانە سپورت شەبەرى, سول سياقتى ءبىرىنشى رازريادتى باعدارلامالارى بويىنشا جارىسادى.
«چەمپيونات جىل سايىن جاڭا جىل قارساڭىندا وتكىزىلەدى. جارىسقا استانا, الماتى, شىمكەنت قالالارى مەن قاراعاندى, الماتى, پاۆلودار, قىزىلوردا, اتىراۋ, ۇلىتاۋ, شىعىس قازاقستان وبلىستارىنان 75-كە جۋىق سپورتشى قاتىسادى. ءوز ايماعىنىڭ نامىسىن قورعاۋ ءۇشىن ەڭ ۇزدىك 16 سپورتشى عانا ماراپاتتالادى. بالالار جارىستى ءوز كوزىمەن كورىپ, سەزىنەدى. سپورتشىلارعا عانا ەمەس, بارلىق قازاقستاندىقتارعا كەلەسى جىلدىڭ بۇرىنعىدان دا جاقسىراق بولۋىن تىلەيمىز», دەدى قالالىق دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى ءمادينا ايتقاليەۆا.
ايتا كەتسەك, بيىلعى تۋرنيرگە 2022 جىلعى جاسوسپىرىمدەر اراسىنداعى الەم چەمپيوناتىنىڭ كۇمىس جۇلدەگەرى ميحايل شايدوروۆ قاتىسادى, ونىڭ ارسەنالىندا ەڭ كۇردەلى ءتورت سەكىرۋ بار, جاسوسپىرىمدەر اراسىنداعى گران-پري قولا مەدالىنىڭ يەگەرى راحات برالين, سونداي-اق حالىقارالىق تۋرنيرلەردىڭ جۇلدەگەرلەرى اننا لەۆكوۆەتس, دياس جيرەنباەۆ, سوفيا فارافونوۆا, كارينا يساكوۆا, ولەگ مەلنيكوۆ, ارتۋر سماعۇلوۆ جانە باسقا دا سپورتشىلار قاتىسادى.
چەمپيوناتتىڭ باستى ماقساتتارىنىڭ ءبىرى – 2023-2024 جىلدارعا ارنالعان شتاتتىق قۇراما كوماندانى قالىپتاستىرۋ.
ۇيىمداستىرۋشىلار اتاپ وتكەندەي, قازاقستاندىق مانەرلەپ سىرعاناۋ تاريحىندا العاش رەت تورەشىلەر القاسى حالىقارالىق ساناتتاعى شەتەلدىك سۋديالاردان قۇرالاتىن بولادى, بۇل قازاقستان رەسپۋبليكاسىنىڭ چەمپيوناتىن جوعارى دەڭگەيدە وتكىزۋگە مۇمكىندىك بەرەدى.
جارىس 24 جەلتوقسانعا دەيىن جالعاسادى.