استانا. 6 ماۋسىم. ۇكىمەت قاۋلىسىمەن قوسمان ايتمۇحامەتوۆ وڭىرلىك دامۋ ۆيتسە-ءمينيسترى قىزمەتىنە تاعايىندالدى. بۇل تۋرالى «قازاقپارات» حابارلادى.
قوسمان قايىرتاي ۇلى ايتمۇحامەتوۆ 1963 جىلدىڭ 29 تامىزىندا اقمولا وبلىسىندا (بۇرىنعى تسەلينوگرادوبلىسى) تۋعان. 1986 جىلى اقمولا ينجەنەرلىك-قۇرىلىس ينستيتۋتىن, 2006 جىلى قازاق گۋمانيتارلىق-زاڭ ۋنيۆەرسيتەتىن بىتىرگەن. ەڭبەك جولىن 1983 جىلى اقمولا وبلىسىندا «يزوبيلنىي» كەڭشارىندا باستاعان. ول ءار جىلدارى ءتۇرلى سالالاردا باسشىلىق قىزمەتتەر اتقاردى. سونداي-اق, 2009-2013 جىلدار ارالىعىندا اقمولا وبلىسى اكىمىنىڭ ورىنباسارى بولدى. ال وسى تاعايىنداۋعا دەيىن اقمولا وبلىسىنىڭ اكىمى قىزمەتىن اتقاردى.
جولدىباي بازار.
دەرەككوز: «قازاقپارات».
فوتو: elarna.com.