استانا. 6 ماۋسىم. مەملەكەتىمىز ەۋرازيالىق ەكونوميكالىق وداق شەڭبەرىندە ءوزىنىڭ ەڭ باستى ستراتەگيالىق جوسپارلارىن ورىندايدى. پارلامەنت ءماجىلىسىنىڭ دەپۋتاتى ماۋلەن اشىمباەۆ وسىنداي پىكىردە. بۇل تۋرالى «24kz» حابارلادى.
ورتالىق كوممۋنيكاتسيالار قىزمەتىندە وتكەن بريفينگتە دەپۋتات ەۋرازيالىق ينتەگراتسيانىڭ ءۇش باستى قاعيداسىن اتاپ ءوتتى.
ماۋلەن اشىمباەۆ: «ەۋرازيالىق ينتەگراتسيا قازاقستان تاۋەلسىزدىگىن ساقتاپ, ونىڭ ەگەمەندىگى مەن اۋماقتىق تۇتاستىعىن قامتاماسىز ەتكەن جاعدايدا عانا داميدى. بۇل – ينتەگراتسيانىڭ باستى قاعيداسى. ەكىنشى ماڭىزدى قاعيدا – ەكونوميكالىق پراگماتيزم. ەلدەر ناقتى ەكونوميكالىق مۇددەگە ساي ىقپالداسادى. بۇل ەشقانداي دا استارلى ساياسي مۇددە ەمەس, تەك قانا ەكونوميكالىق قارىم-قاتىناس. سوڭعى قاعيدا – مەملەكەتتەر اراسىنداعى تەڭدىك جانە تەڭ قۇقىلىق», – دەدى.
جولدىباي بازار.
دەرەككوز: «24kz».
فوتو: nurotan.kz.