قالادا بالالاردىڭ دەنساۋلىعىن قورعاۋ جانە الەۋمەتتىك قورعاۋ ماسەلەسىنە ەرەكشە كوڭىل بولىنەدى. كامەلەتكە تولماعاندارعا قانداي كومەك كورسەتىلەتىنى تۋرالى استانا اكىمىنىڭ ورىنباسارى ەسەت بايكەن ايتىپ بەردى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
بۇگىنگى تاڭدا قالادا 100 مىڭعا جۋىق بالا تەگىن ىستىق تاماقپەن, قوعامدىق كولىكتە تەگىن جول جۇرۋمەن قامتاماسىز ەتىلگەن.
بيىل 17 مىڭعا جۋىق بالا جالپىعا بىردەي وقىتۋ باعدارلاماسىمەن قامتىلدى. جىل باسىنان بەرى 4,2 مىڭ وتباسى اتاۋلى الەۋمەتتىك كومەك الدى, ول وتباسىلاردا 13 265 بالا بار.
«ەرەكشە ءبىلىم بەرۋ قاجەتتىلىكتەرى بار بالالار ەرەكشە نازاردا. جىل سايىن پسيحولوگيالىق-مەديتسينالىق-پەداگوگيكالىق كابينەتتەر سانى ارتىپ كەلەدى. جىل باسىنان بەرى ينكليۋزيانى قولداۋ كابينەتى, پسيحولوگيالىق-پەداگوگيكالىق تۇزەتۋ كابينەتى, پسيحولوگيالىق-مەديتسينالىق-پەداگوگيكالىق كونسۋلتاتسيا اشىلدى. ەلوردادا ەرەكشە قاجەتتىلىكتەرى بار 810 بالانى قامتيتىن «ينۆاتاكسي» قىزمەتىنىڭ 80 اۆتوكولىگى جۇمىس ىستەيدى», دەدى ەسەت بايكەن.
سونداي-اق بالالاردىڭ دەنساۋلىعى دا باسىمدىقتاردىڭ ءبىرى بولىپ سانالادى. ەلوردادا بالالارعا العاشقى مەديتسينالىق-سانيتارلىق كومەك كورسەتەتىن 37 مەديتسينالىق ۇيىم (16 مەملەكەتتىك, 21 مەملەكەتتىك تاپسىرىس اياسىندا جەكەمەنشىك) جانە 3 بالالار ستاتسيونارى (ينفەكتسيالىق, حيرۋرگيالىق, سوماتيكالىق) جۇمىس ىستەيدى.
جىل باسىنان بەرى ەرەكشە قاجەتتىلىكتەرى بار 3,9 مىڭ بالا وڭالتۋ قىزمەتتەرىمەن قامتىلدى. 0-دەن 17 جاسقا دەيىنگى بالالاردى سكرينينگتىك تەكسەرۋلەرمەن بالالاردىڭ 95%-ى قامتىلدى.
قالانىڭ كوپسالالى ستاتسيونارلارىنىڭ اكۋشەرلىك بلوكتارى قاجەتتى سكرينينگ جۇرگىزۋ ءۇشىن جابدىقتارمەن تولىق جابدىقتالعان.