جامبىل وبلىسىندا ەر ادامدى بوپسالاعان كۇدىكتىلەر ۇستالدى

6 جەلتوقساندا تاراز قالاسىنىڭ پوليتسيا باسقارماسىنا بوپسالاۋ تۋرالى وبلىس ورتالىعىنىڭ 26 جاستاعى تۇرعىنى شاعىمداندى. ول وزىنەن قورقىتۋ ارقىلى اپتا سايىن ەكى ازاماتتىڭ اشكەرەلەۋشى اقپاراتتى جاريالاماۋ ءۇشىن 300 مىڭ تەڭگە كولەمىندە اقشا بوپسالاپ الىپ تۇراتىنىن حابارلادى.

جابىرلەنۋشىدەن بارلىعى 2 ملن تەڭگە كولەمىندە اقشا تالاپ ەتكەن. جامبىل وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىمەن جۇرگىزىلگەن جەدەل-ىزدەستىرۋ جۇمىستارىنىڭ ناتيجەسىندە ارىزدانۋشىدان كەزەكتى رەت 200 مىڭ تەڭگە كولەمىندە قاراجاتتى الۋ كەزىندە 28 جانە 29 جاستاعى جەرگىلىكتى تۇرعىندار انىقتالىپ, ۇستالدى.

وسى دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 194-بابى 2-بولىگىمەن (قورقىتىپ الۋ) سوتقا دەيىنگى تەرگەۋ امالدارى باستالدى. زاتتاي دالەلدەمەلەر تاركىلەندى. ۇستالعاندار كىنالارىن تولىق مويىندادى. 29 جاستاعى كۇدىكتى تاراز قالاسىنىڭ ۋاقىتشا ۇستاۋ يزولياتورىنا قاماۋعا الىندى. ونىڭ سەرىكتەسىنە قاتىستى ەشقايدا كەتپەۋ تۋرالى بۇلتارتپاۋ شاراسى قولدانىلدى.

كۇدىكتىلەردىڭ بۇرىن قىلمىستىق جاۋاپكەرشىلىككە تارتىلعانى انىقتالدى. قازىر بارلىق قاجەتتى تەرگەۋ ءىس-شارالارى ءجۇرىپ جاتىر.