ارگەنتينالىق سپورتشى جانە 2022 جىلعى فۋتبولدان وتكەن الەم چەمپيوناتىنىڭ ۇزدىك ويىنشىسى ليونەل مەسسي BBC Sports تۇجىرىمى بويىنشا 2022 جىلدىڭ ۇزدىك سپورتشىسى اتاندى. ارگەنتينا قۇراماسىنىڭ كاپيتانى مەن كوشباسشىسىنا ارنايى Personality World Sport Star سىيلىعى تابىستالادى, دەپ حابارلايدى Egemen.kz.
BBC Sports جازعانداي, بۇل سىيلىق جىل بويى الەمدىك دەڭگەيدە ەڭ ماڭىزدى جەتىستىككە جەتكەن سپورتشىعا بەرىلەدى. ارگەنتينا قۇراماسىندا ويناعان ليونەل مەسسي 2022 جىلعى فۋتبولدان الەم چەمپيوناتىن جەڭىپ, ءتۋرنيردىڭ ۇزدىك ويىنشىسى اتاندى. قاتاردا ول قارسىلاستار قاقپاسىنا جەتى گول سوقتى, ونىڭ ەكەۋى فينالدا فرانتسيا قاقپاسىنا سوعىلدى.
سونىمەن قاتار ارگەنتينالىق ويىنشى فۋتبولدان الەم چەمپيوناتىنىڭ بىرقاتار رەكوردىن جاڭارتتى.
وتكەن جىلى رەيچەل بلەكمور (يرلانديا) BBS نۇسقاسى بويىنشا الەمنىڭ ۇزدىك سپورتشىسى اتانعان ەدى.