پرەزيدەنت Halyk قارجى توبىنىڭ وكىلدەرى الەكساندر پاۆلوۆپەن جانە ءۇمىت شاياحمەتوۆامەن كەزدەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنا بانكتىڭ قازىرگى قىزمەتى, دامۋ پەرسپەكتيۆالارى, سونداي-اق وتاندىق بيزنەسكە قولداۋ كورسەتۋ, سونداي-اق قازاقستاننىڭ شەت مەملەكەتتەرمەن ەكونوميكالىق جانە ىسكەرلىك بايلانىستارىن كەڭەيتۋدە توپتىڭ الەۋەتىن پايدالانۋ جونىندەگى ۇسىنىستارى جونىندە باياندالدى.
بانكتىڭ ەكونوميكاداعى ناقتى سەكتوردى نەسيەلەندىرۋىنە, تسيفرلىق قىزمەتتەردى ازىرلەۋ جانە ەنگىزۋ ماسەلەلەرى جونىندە مەملەكەتتىك ورگاندارمەن ءوزارا ءىس-ارەكەتىنە, سونىمەن قاتار الەۋمەتتىك جوبالاردى ىسكە اسىرۋىنا ەرەكشە نازار اۋدارىلدى.
قاسىم-جومارت توقاەۆ قارجى توبىنىڭ قىزمەتىنە وڭ باعا بەردى. بيزنەستى قولداۋدىڭ جانە قازاقستان ەكونوميكاسىن قارجىلاندىرۋدى ىنتالاندىرۋدىڭ وزەكتىلىگى مەن ستراتەگيالىق ماڭىزدىلىعىن اتاپ ءوتتى.