نۇرسۇلتان نازارباەۆ ابدەل فاتتاح اس-سيسيگە ەگيپەت اراب رەسپۋبليكاسىنىڭ پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى ەگيپەتتە ابدەل فاتتاح اس-ءسيسيدىڭ باسشىلىعىمەن ساياسي تۇراقتىلىق ورناپ, ورنىقتى الەۋمەتتىك-ەكونوميكالىق دامۋدىڭ قامتاماسىز ەتىلەتىنىنە سەنىم بىلدىرگەن.
«قازاقستاننىڭ ەگيپەت اراب رەسپۋبليكاسىن يسلام الەمىندەگى ماڭىزدى سەرىكتەسىنىڭ ءبىرى رەتىندە قاراستىراتىنىن جانە ەلدەرىمىز اراسىنداعى ەكىجاقتى ىنتىماقتاستىقتى ودان ءارى ارتتىرۋعا, كوپجاقتى قۇرىلىمدار اياسىنداعى ءوزارا ءىس-قيمىلدى كۇشەيتۋگە مۇددەلى ەكەنىن ايتقىم كەلەدى», – دەلىنگەن جەدەلحاتتا.
نۇرسۇلتان نازارباەۆ ابدەل فاتتاح اس-سيسيگە مىقتى دەنساۋلىق, ەلدى دامىتۋعا باعىتتالعان جاۋاپتى قىزمەتىنە زور تابىس, ال باۋىرلاس ەگيپەت حالقىنا بەيبىتشىلىك پەن باق-بەرەكە تىلەدى.
* * *
مەملەكەت باسشىسى كورول حۋان كارلوس ءى-ءنىڭ تاقتان باس تارتۋ جونىندەگى باتىل شەشىمىن اتاي وتىرىپ, ونىڭ ءىزباسارىنا جان-جاقتى قولداۋ كورسەتۋگە ازىرلىگىن جەتكىزدى, دەپ حابارلادى پرەزيدەنتتىڭ ءباسپاسوز قىزمەتى.
سونىمەن قاتار, نۇرسۇلتان نازارباەۆ كورول حۋان كارلوس ءى تاقتا وتىرعان جىلدارى ەلدەرىمىز اراسىندا قالىپتاسقان تىعىز قارىم-قاتىناس پەن ستراتەگيالىق ارىپتەستىك ءداستۇرىنىڭ ودان ءارى جالعاسا بەرەتىنىنە سەنىم بىلدىرگەن.
سوڭىندا قازاقستان پرەزيدەنتى حۋان كارلوس ءى-گە مىقتى دەنساۋلىق, مول تابىس, ال يسپانيا حالقىنا باق-بەرەكە مەن مولشىلىق تىلەدى.