قازاقستان رەسپۋبليكاسى پرەزيدەنتى اكىمشىلىگىنىڭ باسشىسى نۇرلان نىعماتۋلين ورتالىق اتقارۋشى ورگانداردىڭ جاۋاپتى حاتشىلارى ينستيتۋتىن ودان ءارى دامىتۋ ماسەلەلەرى جونىندە كەڭەس وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
پرەزيدەنت اكىمشىلىگى باسشىلىعى جانە مينيسترلىكتەر مەن اگەنتتىكتەردىڭ جاۋاپتى حاتشىلارى قاتىسقان اقورداداعى كەزدەسۋ بارىسىندا مەملەكەتتىك ورگانداردىڭ مەملەكەت باسشىسى اكتىلەرى مەن تاپسىرمالارىن ورىنداۋ, مەملەكەتتىك قىزمەت كورسەتۋ, بيۋدجەت قاراجاتىن پايدالانۋ, سونداي-اق, ستراتەگيالىق ماقساتتار مەن مىندەتتەردى اتقارۋ سالاسىنداعى جۇمىسىندا كەزدەسەتىن نەگىزگى پروبلەمالار تالقىلاندى.
بۇدان بولەك, ورتالىق اتقارۋشى ورگانداردىڭ اعىمداعى جۇمىسىنىڭ ءتۇرلى ماسەلەلەرىن تالقىلاۋ جانە شەشۋ ماقساتىمەن پرەزيدەنت اكىمشىلىگى باسشىسىنىڭ جاۋاپتى حاتشىلارمەن اپتا سايىنعى كەزدەسۋىن وتكىزۋ تاجىريبەسىن ەنگىزۋ جونىندە شەشىم قابىلداندى.
كەڭەس قورىتىندىسى بويىنشا جاۋاپتى حاتشىلارعا مەملەكەتتىك اپپاراتتىڭ تۇراقتى جانە ءتيىمدى جۇمىسىن قامتاماسىز ەتۋ جونىندە ناقتى تاپسىرمالار بەرىلدى.