ەكىباستۇزداعى ءبىلىم بەرۋ نىساندارى تەكسەرىلدى

- ەكىباستۇزدىق بالالاردىڭ ۇيدە وتىرعاندارى جەتكىلىكتى دەگەن ويدامىن. قالانىڭ ءبىلىم بەرۋ نىساندارىنىڭ وقۋشىلاردى قابىلداۋعا دايىندىعىن تەكسەردىم. № 1 مەكتەپ-ليتسەيدە جىلۋمەن جابدىقتاۋ قىسىمى جەتكىلىكسىز بولىپ شىقتى. ماسەلەنى ەنەرگەتيكتەرمەن بىرگە سول جەردە قاراستىردىق, -  دەپ جازدى ايماق باسشىسى.

مامانداردىڭ ايتۋىنشا, جىلىتۋ جۇيەسىن تولىقتاي جۋ قاجەت. №11 ورتا مەكتەپتىڭ دە جاعدايى ءدال وسىنداي. 

- جىلۋ بەرۋ جۇيەسىن جۋ جۇمىستارىن جەدەلدەتىپ باستاۋدى جانە جاقىن كۇندەرى جىلۋمەن جابدىقتاۋ جۇيەسىن تولىققاندى بىرقالىپقا كەلتىرۋدى تاپسىردىم, - دەدى اسايىن بايحانوۆ.

قازىرگى تاڭدا №25 بالاباقشاداعى جىلىتۋ رادياتورلارى قالپىنا كەلتىرىلدى. جوسپارى بويىنشا دۇيسەنبىگە دەيىن تەمپەراتۋرا قالىپقا كەلۋى قاجەت.

- ەكىباستۇزدىڭ ءبىلىم بەرۋ مەكەمەلەرىنىڭ جۇمىسىن جەدەلدەتىپ جانداندىرۋ مىندەتىن قويدىم. ءجاسوسپىرىم قالا تۇرعىندارى مۇمكىندىگىنشە تەزىرەك مەكتەپتەر مەن بالاباقشالارعا ورالۋى كەرەك, - دەپ تۇيىندەدى ءسوزىن.