قازاقستاننىڭ ۇلىبريتانياداعى ەلشىسى ماعجان ءىلياسوۆ كورول III چارلزگە سەنىم گراموتالارىن تابىس ەتتى, دەپ حابارلايدى Egemen.kz.
بۋكينگەم سارايىندا وتكەن ءراسىم بارىسىندا سۇحباتتاسۋشىلار ەكىجاقتى قاتىناستاردىڭ جاعدايى مەن پەرسپەكتيۆالارىن تالقىلادى. تاراپتار سونداي-اق جاسىل ەنەرگەتيكاعا كوشۋ, قورشاعان ورتانى قورعاۋ جانە تۇراقتى دامۋ ماسەلەلەرىن تالقىلادى.
كەزدەسۋ اياسىندا كورول ەلدەگى جانە ايماقتاعى جاعدايدى سۇراپ, 1996 جىلى قازاقستانعا جاساعان ساپارىن ەسكە الدى.
ءوز كەزەگىندە, ەلشى كورول ءچارلزدى ەلىمىزگە كەز-كەلگەن ىڭعايلى ۋاقىتتا كەلۋگە شاقىردى. سونىمەن قاتار بريتاندىق مونارحقا قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ لوندونعا الداعى رەسمي ساپارى تۋرالى حابارلادى.
كورول م. تىلەۋبەردىنىڭ الداعى ساپارى قازاقستان مەن ۇلىبريتانيا اراسىنداعى ستراتەگيالىق ارىپتەستىكتى ودان ءارى نىعايتۋعا سەپتىگىن تيگىزەدى دەگەن ءۇمىتىن ءبىلدىردى.
سونداي-اق بۇل ءراسىمنىڭ قازاقستان مەن ۇلىبريتانيا اراسىنداعى ديپلوماتيالىق قاتىناستاردىڭ ورناتىلعانىنا 30 جىل تولۋىمەن تۇسپا-تۇس كەلگەنىن اتاپ وتكەن ءجون.