قورعانىس ءمينيسترىنىڭ بۇيرىعىمەن قۇرلىق اسكەرلەرى اسكەري ينستيتۋتىنىڭ اسكەري قىزمەتشىسى 3-سىنىپتى سەرجانت جاندوس بارلىباەۆ ەرلىگى ءۇشىن «ەل قورعانى» مەدالىمەن ماراپاتتالدى. بۇگىن ماراپاتتى قورعانىس ۆەدومستۆوسى باسشىسىنىڭ اتىنان دەسانتتىق-شابۋىلداۋ اسكەرلەرىنىڭ قولباسشىسى گەنەرال-مايور الماز جۇماكەەۆ تابىستادى, دەپ حابارلايدى Egemen.kz.
ەستەرىڭىزگە سالا كەتسەك, كەشە الماتى قالاسىندا كراسنوگورسكايا كوشەسى, 4/1 مەكەنجايىندا ورنالاسقان جاتاقحانانىڭ بىرىنەن ءورت شىققان بولاتىن. اسكەري قىزمەتشى ول تۋرالى تانىستارىنان ەستىپ, ويلانباستان وقيعا ورنىنا بارعان. كورشى عيماراتتىڭ وتقا ورانعان 2-ءشى قاباتىن كورگەن سەرجانت جاندوس بارلىباەۆ تەرەزە تورلارىمەن ەكىنشى قاباتقا كوتەرىلەدى. ول جەردەن 12-13 جاستاعى بالانى, ءتورت ايلىق نارەستەنى الىپ شىعىپ, سونداي-اق اناسىنىڭ جانىپ جاتقان عيماراتتان شىعۋىنا كومەكتەستى.