بەلگىلى كينورەجيسسەر بولات قالىمبەتوۆتىڭ «مۇقاعالي» كوركەم ءفيلمى شوتلانديادا وتكەن حالىقارالىق سەنت-ەندريۋس كينوفەستيۆالىندە بەس بىردەي جۇلدەنى جەڭىپ الدى (گران-پري, ۇزدىك كينودراماتۋرگ, ۇزدىك كينورەجيسسەر, ۇزدىك وپەراتور, ۇزدىك اكتەر).
ايتا كەتەيىك, سەنت-ەندريۋس (SاFF) – حالىقارالىق كينوفەستيۆال. بۇل شوتلانديا مەن بۇكىل الەم بويىنشا كينو سالاسىنداعى تالانتتاردىڭ ەسىمدەرى بەلگىلى بولاتىن ايتۋلى ءىس-شارا. «مۇقاعالي» كوركەم ءفيلمى ءبىر جىلدا 10 حالىقارالىق سىيلىققا يە بولدى. بۇل – بۇرىن-سوڭدى بولماعان ۇلكەن قۋانىشتى جاڭالىق. بارشا قازاق كينوسىن قادىرلەيتىن كورەرمەنگە العىسىمدى بىلدىرەمىن. قازاقتىڭ ۇلى اقىنى ۇلىقتالعان فيلم جاستارعا تەك شابىت بەرسىن. تاۋەلسىزدىك كۇنى قارساڭىندا الەمنىڭ بەلدى سىنشىلارى ءوز باعاسىن بەرگەن «مۇقاعالي» فيلمىنە بەرىلگەن بۇل جۇلدەلەر – قازاق حالقىنىڭ ورتاق جەڭىسى!» دەدى ءفيلمنىڭ رەجيسسەرى بولات قالىمبەتوۆ.
بەلگىلى قازاق اقىنى مۇقاعالي ماقاتاەۆتىڭ 90 جىلدىعىنا ارنالعان «مۇقاعالي» كارتيناسى ونىڭ ءومىرىنىڭ سوڭعى جىلدارى تۋرالى باياندايدى. ءفيلمدى مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى ءتۇسىردى.
قازاقستاندىق پروكاتقا فيلم 2021 جىلدىڭ 21 قازانىندا شىققان بولاتىن. ءفيلمنىڭ الەمدىك پرەمەراسى ححV (PÖFF) «تاللين كينوفەستيۆالى» اياسىندا ءوتتى, وندا قازاقستاندىق كارتينا ەكۋمەنيكالىق قازىلار القاسىنىڭ جۇلدەسىنە يە بولدى.
ايتا كەتەيىك, وسى جىلدىڭ ناۋرىز ايىندا ومىرباياندىق كارتينا كەرالاداعى ء(ۇندىستان) 26-شى حالىقارالىق كينوفەستيۆالدىڭ «الەمدىك كينو» سەكتسياسىندا ۇسىنىلدى. قىركۇيەك ايىنىڭ باسىندا «مۇقاعالي» ءفيلمى قازان كينوفەستيۆالىندە قازىلار القاسىنىڭ ارنايى جۇلدەسىنە يە بولدى. سونداي-اق فيلم گاتچيندەگى (رەسەي) «ادەبيەت جانە كينو» حالىقارالىق كينوفەستيۆالىندە قويۋشى-سۋرەتشى ەرمەك وتەگەنوۆتىڭ ۇزدىك جۇمىسى ءۇشىن قازىلار القاسىنىڭ ارنايى ديپلومىنا يە بولدى. قازان ايىندا فيلم دۋبايداعى «META Film Fest» كينوفەستيۆالىندە 70-تەن استام فيلم ىشىنەن باس جۇلدەگە يە بولدى.