تاۋەلسىزدىك كۇنى مەرەكەسىنە بايلانىستى 16 جەلتوقساندا قازاقستاننىڭ حالىققا قىزمەت كورسەتۋ ورتالىقتارى مەن ارنايى حقكو-لار جابىلادى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنان حابارلادى, دەپ جازادى Egemen.kz.
جەلتوقساننىڭ 17-ءسى مەن 18-ءى دەمالىس كۇندەرىنە سايكەس كەلۋىنە بايلانىستى حقكو ول كۇندەرى دە جۇمىس ىستەمەيدى.
«بۇل رەتتە كەزەكشى حالىققا قىزمەت كورسەتۋ ورتالىقتارى مەن ارنايى حالىققا قىزمەت كورسەتۋ ورتالىقتارى سەنبى, 17 جەلتوقسان كۇنى ساعات 9:00-دەن 13:00-گە دەيىن جۇمىس ىستەيتىنىن اتاپ وتەمىز», دەلىنگەن حابارلامادا.
19 جەلتوقساننان باستاپ حقكو قايتادان ادەتتەگى كەستە بويىنشا جۇمىس ىستەيدى.
جۇمىس كۇندەرى حقكو جانە ارنايى حقكو دۇيسەنبىدەن جۇماعا دەيىن ساعات 9.00-دەن 18.00-گە دەيىن جۇمىس ىستەيدى. كەزەكشى حقكو جانە ارنايى حقكو دۇيسەنبىدەن جۇماعا دەيىن ساعات 9.00-دەن 20.00-گە دەيىن جانە سەنبى كۇنى 9.00-دەن 13.00-گە دەيىن جۇمىس ىستەيدى.