قوستاناي وبلىستىق سوتىنىڭ جاڭا توراعاسى تاعايىندالدى

جوعارعى سوتتىڭ اكىمشىلىك ىستەر جونىندەگى سوت القاسىنىڭ توراعاسى اسلان تۇكيەۆ قوستاناي ءوڭىرىنىڭ سۋديالار كورپۋسىنا وبلىستىق سوتتىڭ جاڭا توراعاسى ۆياچەسلاۆ ءساليدى تانىستىردى.

ءىس-شاراعا مەملەكەتتىك جانە قۇقىق قورعاۋ ورگاندارىنىڭ باسشىلارى قاتىستى.

«ۆياچەسلاۆ ۆاسيلەۆيچ كوپشىلىگىڭىزگە تانىس. ول وسى ءوڭىردىڭ تۋماسى, سۋديالىق ەڭبەك جولىن وسى جەردەن باستاعان. ونىڭ 35 جىلدىق سۋديالىق تاجىريبەسى بار. ءوزىن ساۋاتتى سۋديا جانە بىلىكتى باسشى رەتىندە تانىتتى, ارىپتەستەر اراسىندا بەدەلگە يە», دەپ اتاپ ءوتتى ا.تۇكيەۆ.

سالي ۆياچەسلاۆ ۆاسيلەۆيچ, 1961 جىلى, قوستاناي وبلىسىندا تۋعان. سۆەردلوۆ زاڭ ينستيتۋتىن قۇقىقتانۋ ماماندىعى بويىنشا بىتىرگەن.

1987-2001 جىلدارى – ۋريتسكي اۋداندىق سوتىنىڭ, قوستاناي وبلىستىق سوتىنىڭ سۋدياسى,

2001-2002 جىلدارى – جوعارعى سوت توراعاسىنىڭ كەڭەسشىسى,

2002-2007 جىلدارى – ماڭعىستاۋ وبلىستىق سوتىنىڭ ازاماتتىق ىستەر جونىندەگى القاسىنىڭ توراعاسى,

2007-2013 جىلدارى – استانا قالاسى سوتىنىڭ سۋدياسى,

2013-2014 جىلدارى – استانا قالاسىنىڭ مامانداندىرىلعان اۋدانارالىق ەكونوميكالىق سوتىنىڭ توراعاسى,

2014-2020 جىلدارى – نۇر-سۇلتان قالاسى سوتىنىڭ سۋدياسى,

2020 جىلدان باستاپ وسى تاعايىنداۋعا دەيىن – جوعارعى سوتتىڭ سۋدياسى.