كەزدەسۋ بارىسىندا ۇزاقمەرزىمدى جانە ستراتەگيالىق ماڭىزى بار ينۆەستيتسيالىق جوبالاردى جۇزەگە اسىرۋ پەرسپەكتيۆالارى تالقىلاندى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
پرەزيدەنت ۇندىستاندىق مۋلتيۇلتتىق Adani Group كونگلومەراتىنىڭ وڭىردەگى كولىك ينفراقۇرىلىمىن دامىتۋ جوسپارىنا وڭ باعا بەردى. مەملەكەت باسشىسى قازاقستان كولىك باعىتتارىن ءارتاراپتاراندىرۋ جۇمىستارىن جۇرگىزىپ, ترانسكاسپي حالىقارالىق كولىك باعدارىن بەلسەندى دامىتىپ كەلە جاتقانىن اتاپ ءوتتى.
گاۋتام اداني مەملەكەت باسشىسىنا كومپانيا ەنەرگەتيكا, مۇناي-حيميا, جاڭارتىلاتىن ەنەرگيا كوزدەرى جانە ەكونوميكانىڭ باسقا دا ماڭىزدى سەكتورلارىندا قازاقستان تاراپىمەن ىنتىماقتاستىق ورناتۋعا مۇددەلى ەكەنىن ايتتى.