شىعىس قازاقستان وبلىسىندا, وسكەمەن – شەمونايحا – رەسەي شەكاراسى رەسپۋبليكالىق تاسجولىندا جۇك كولىكتەرى مەن قوعامدىق كولىكتەردىڭ قوزعالىسىنا شەكتەۋ ەنگىزىلدى, دەپ حابارلايدى Egemen.kz.
«قازاۆتوجول» اق حابارلاۋىنشا, قوزعالىستى شەكتەۋ 2022 جىلدىڭ 13 جەلتوقسانىندا ساعات 8:30-دا ەنگىزىلگەن.
«اۋا رايى جاعدايىنىڭ ناشارلاۋىنا بايلانىستى وسكەمەن – شەمونايحا – رەسەي شەكاراسى تاسجولىندا (105-123 شاقىرىم – بۇل شەمونايحا قالاسىنان رەسەيدىڭ شەكاراسىنا دەيىنگى ۋچاسكە) جۇك جانە قوعامدىق كولىكتەردىڭ قوزعالىسىنا شەكتەۋلەر ەنگىزىلدى», دەلىنگەن حابارلامادا.
بۇدان بۇرىن حابارلانعانداي, 2022 جىلدىڭ 13 جەلتوقسانىندا ەلىمىزدىڭ سولتۇستىك قازاقستان, قىزىلوردا, تۇركىستان جانە اقتوبە وبلىستارىندا داۋىلدى ەسكەرتۋ جاريالانعان. «قازگيدرومەت» رمك مالىمەتىنشە, ءتورت وبلىستا بۇرقاسىن, تۇمان ءتۇسىپ, جەل كۇشەيەدى.