پوليتسياعا «Elorda Eco System» جشس-دەن بەلگىسىز بىرەۋلەردىڭ كارىز قاقپاقتارىن ۇرلاۋ فاكتىسى بويىنشا ارىز كەلىپ ءتۇستى, دەپ حابارلايدى Egemen.kz.
اتالعان فاكتى بويىنشا كارىز قاقپاقتارىن ۇرلادى دەگەن كۇدىكپەن ەلوردانىڭ 30 جانە 35 جاستاعى ەكى تۇرعىنىنا قاتىستى سوتقا دەيىنگى تەرگەۋ امالدارى جۇرگىزىلۋدە.
«تەرگەۋ بارىسىندا انىقتالعانداي, ەر ادامدار وزدەرىنىڭ كولىكتەرىمەن (گازەل جانە Kia Rio) تۇنگى ۋاقىتتا مەدەۋ, قارتالى, وقجەتپەس, ۇلىتاۋ جانە بارشىن كوشەلەرىنىڭ اۋماعىنا 10 كۇن بويى كەلىپ جۇرگەن. Cودان كەيىن ولار بوگدە ادامداردىڭ جوقتىعىنا كوز جەتكىزىپ, ۇرلىق جاساعان. كۇدىكتىلەر جالپى 16 دانا مەتالدى ۇرلاپ ۇلگەرگەن. ولاردى مەتالل سىنىقتارىن قابىلداۋ پۋنكتىنە تاپسىرعان», دەپ جازىلعان ءىىم تاراتقان حابارلامادا.
مەتالداردى وتكىزۋ ءساتى بەينەباقىلاۋ كامەرالارىنا ءتۇسىپ قالعان. كۇدىكتىلەر كىناسىن مويىندادى.