پاۆلوداردا جەكە ۇيدەن شىققان ورتتەن ءبىر جاسار ءسابي تىرىدەي ورتەنىپ كەتتى. تاعى 5 جانە 14 جاستاعى ەكى بالا زارداپ شەكتى, دەپ حابارلايدى Egemen.kz.
ءورت تۋرالى حابارلاما «101» پۋلتىنە 10 جەلتوقسان كۇنى ساعات 17:57-دە تۇسكەن. پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي, ەكى قاباتتى كىرپىشتەن قالانعان جەكە تۇرعىن ءۇيدىڭ ءبىرىنشى قاباتىندا ەكى كرەسلو, بيىك ورىندىق, كىلەم, سونداي-اق ەكىنشى قاباتقا اپاراتىن اعاش باسپالداق ورتەندى.
«بارلاۋ كەزىندە زالدان 2021 جىلى تۋعان بالانىڭ كۇيىپ كەتكەن دەنەسى تابىلدى», دەدى پاۆلودار قالالىق تجد باستىعىنىڭ ورىنباسارى تىلەكجان عالياموۆ.
ءورت كەزىندە ۇيدە ءبىر جاسار بالادان باسقا 5 جاسار بالا مەن 14 جاستاعى قىز بالا بولعان.
ءورت 18:32-دە وقشاۋلاندى, 18:47-دە ءورت جويىلدى. ءورتتى سوندىرۋگە 5 بىرلىك تەحنيكا مەن 16 ادام جۇمىلدىرىلدى.