كاسپي تەڭىزىنىڭ ازەربايجانعا قاراستى بولىگىندە يتبالىقتاردىڭ ولەكسەسى تابىلدى, دەپ حابارلايدى Egemen.kz.
كاسپي تەڭىزىنىڭ داعىستان جاعالاۋىندا يتبالىقتاردىڭ جاپپاي قىرىلۋىنا بايلانىستى ازەربايجان رەسپۋبليكاسى ەكولوگيا جانە تابيعي رەسۋرستار مينيسترلىگىنىڭ قىزمەتكەرلەرى تەڭىزدە مونيتورينگ جۇرگىزدى.
بيوارتۇرلىلىكتى قورعاۋ قىزمەتىنىڭ باسشىسى فيرۋددين اليەۆتىڭ ايتۋىنشا, ءىس-شارالار بارىسىندا حاچماز اۋدانىندا, يستيسۋ اۋىلى ماڭىندا, تيكانلىوبا, سەيدلي جانە نابران اۋىلدارىندا بارلىعى 17 يتبالىق ولەكسەسى تابىلعان.
«ازەربايجاننىڭ ازىق-ت ۇلىك قاۋىپسىزدىگى اگەنتتىگىنىڭ ماماندارىمەن بىرلەسىپ يتبالىقتاردىڭ قىرىلۋ سەبەپتەرىن انىقتاۋ ءۇشىن ولەكسەلەردەن سىنامالار الىنادى. قوسىمشا اقپارات حالىققا جەتكىزىلەدى», دەدى ول.