پرەمەر-مينيستر, ەۋرازيالىق دامۋ بانكى (ەادب) كەڭەسىنىڭ توراعاسى ءاليحان سمايىلوۆ قارجى ۇيىمىنىڭ باسقارما توراعاسى نيكولاي پودگۋزوۆپەن كەزدەستى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
2022 جىلعى ەادب جۇمىسىنىڭ الدىن الا قورىتىندىلارى جانە كەلەسى جىلعا ارنالعان جۇمىس جوسپارى تالقىلاندى. ماسەلەن, بيىل بانك رەسپۋبليكاداعى جوبالارعا سالىنعان ينۆەستيتسيالاردى $1,2 ملرد-قا دەيىن ۇلعايتتى, بۇل وتكەن جىلدىڭ جوسپارداعى ينديكاتورلارى مەن كورسەتكىشتەرىنەن اسىپ ءتۇستى. 2023 جىلى ەل ەكونوميكاسىنىڭ باسىم سالالارىنا تاعى $1,1 ملرد باعىتتاۋ جوسپارلانىپ وتىر.
ءاليحان سمايىلوۆ كووپەراتسيالىق جوبالار سانىن ارتتىرۋدىڭ ماڭىزدى ەكەنىن اتاپ ءوتتى.
«وسى قارقىندى ساقتاپ, جوبالار پۋلىن كەڭەيتۋ قاجەت», دەدى پرەمەر-مينيستر.
ءوز كەزەگىندە نيكولاي پودگۋزوۆ 2026 جىلعا دەيىن قازاقستاندا جوبالاردى ىسكە اسىرۋعا كەمىندە $3,8 ملرد كوزدەلگەنىن حابارلادى.
«كەلەر جىلى قارجىلاندىرۋ كەزىندە لوگيستيكالىق ينفراقۇرىلىمدى دامىتۋعا, سۋ رەسۋرستارىمەن, ازىق-ت ۇلىك جانە ەنەرگەتيكالىق قاۋىپسىزدىكپەن قامتاماسىز ەتۋگە, ەكولوگيالىق كورسەتكىشتەردى جاقسارتۋعا باعىتتالعان جوبالارعا باسىمدىق بەرىلەدى», دەدى ەادب باسشىسى.