ايگىلى جەلاياق – قۇرمەتتى ازامات

جاقىندا قازاقتىڭ ابىرويىن اسقاق­تاتقان جەلاياق ءامين تۇياقوۆقا «اتى­راۋ وبلىسىنىڭ قۇرمەتتى ازاماتى» اتا­­عى بەرىلدى. مۇنايلى ءوڭىر جۇرت­شى­­لى­عى دا جەلدەي ەسكەن داڭقتى جەل­اياق­قا كورسە­تىلگەن بۇل قۇرمەتتى جىلى قابىل­دادى. ويتكەنى ول 100 جانە 200 مەتر قاشىق­تىققا جۇگىرۋدەن, 100ح4, 200ح4 ەستافەتاعا جۇگىرۋدەن 8 رەت كسرو چەمپيونى اتانعان. مۇنىڭ سىرتىندا جەڭىل اتلەتتەن يەلەنگەن 10 كۇمىس, قولا مەدالى بار.

جەلدەي جۇيرىك جەلاياق 1967 جىلى كسرو حالىقتارىنىڭ IV سپارتاكياداسىندا 200 مەترلىك قاشىقتىقتا التىن, 100 مەترگە جۇگىرۋدەن كۇمىس مەدالعا يە بولعان. ونىڭ ەسىمى شەتەلگە دە كەڭىنەن تانىلدى. سونىڭ دالەلىندەي, 1965 جىلى ەۋروپا كۋبوگىنىڭ جەڭىمپازى, ءبىر جىلدان سوڭ ەۋروپا بىرىنشىلىگىنىڭ كۇمىس جۇلدەگەرى اتاندى. بۇعان قوسا 50-گە جۋىق حالىقارالىق جارىستا باعى جانىپ, جە­ڭىس­تىڭ بيىك شىڭىنا كوتەرىلدى.

– «قازاقتىڭ جەلاياعى» دەگەن اتاق كەز كەلگەن ادامنىڭ ماڭدايىنا بۇيىرا بەرمەيدى. الاش قايراتكەرى ءاليحان بوكەي­حانوۆتىڭ «ۇلتقا قىزمەت ەتۋ بىلىم­نەن ەمەس, مىنەزدەن» دەگەنىندەي, سپورت­تا دا نا­مىس پەن مىنەز بولماسا, جەتىس­تىككە جەتۋ قيىن. ءدال وسى قاسيەت ءامين اعامىزدىڭ بو­يىنان تابىلىپ, الامان جارىستاردا جەڭىس تۇ­عىرىنان كورىندى. «مەن قازاققا ورتاق­پىن» دەپ جاستاردى بولىنۋگە ەمەس, بىرىگۋگە شاقىردى. جاس بۋىن دا, سپورتشىلار دا داڭقتى جەلاياقتىڭ ونەگەسىن ۇلگى تۇتادى, – دەدى وبلىس اكىمى سەرىك شاپكەنوۆ.

اتىراۋ وبلىسى