اتىراۋلىق پوليتسەيلەر سۋعا باتىپ بارا جاتقان جاسوسپىرىمدەرگە العاش بولىپ كومەككە كەلگەن 8 جاستاعى دىنمۇحاممەدتى ماراپاتتادى, دەپ حابارلايدى Egemen.kz.
وتكەن دەمالىس كۇنى سۋعا باتقان جاسوسپىرىمدەرگە العاش بولىپ كومەككە كەلگەن دىنمۇحاممەدتىڭ باتىل ارەكەتى كوپشىلىكتى ءتانتى ەتتى.
«8 جاستا بولسا دا وزىنەن ۇلكەن بالالارعا كومەككە كەلگەن دىنمۇحاممەد سەرىك ۇلى جاڭبىرباي كوپكە ۇلگى. اتىراۋ قالاسىنداعى №3 مەكتەپتىڭ 3-سىنىپ وقۋشىسىن بۇگىن اتىراۋ وبلىسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ەرلان بيعامباەۆ ارنايى بارىپ دەپارتامەنت باستىعىنىڭ العىس حاتىمەن ماراپاتتادى», دەپ جازىلعان Polisia.kz تاراتقان حابارلامادا.