شىعىس قازاقستان وبلىسىندا جۇك پويىزى 8 باس جىلقىنى قاعىپ كەتتى, دەپ حابارلايدى Egemen.kz Polisia.kz-كە سىلتەمە جاساپ.
5 جەلتوقساندا ساعات 7:17-دە شىعىس قازاقستان وبلىسىنىڭ «كورشۋنوۆا-چەرەمشانكا» ارالىعىندا جۇك پويىزى 8 باس جىلقىنى قاعىپ كەتتى. پويىز وقيعا ورنىندا جوسپاردان تىس 19 مينۋت تۇرعان. بۇل تۋرالى قر ءىىم كولىكتەگى پوليتسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ مالىمدەدى.
م.ايتۋعانوۆتىڭ ايتۋىنشا, وقيعا ورنىنا ريددەر ستانتسياسىنداعى جەلىلىك پوليتسيا بولىمشەسىنىڭ قىزمەتكەرلەرى بىردەن جەتتى. وتكىزىلگەن ءتيىستى ءىس-شارالاردىڭ ناتيجەسىندە ءۇي جانۋارلارىنىڭ يەسى, شقو گلۋبوكوە اۋدانىنىڭ 33 جاستاعى تۇرعىنى انىقتالدى.
– اتالعان ازاماتقا قاتىستى قر اقبتك-ءنىڭ 559-بابىنىڭ 1-بولىگى بويىنشا اكىمشىلىك حاتتاما تولتىرىپ, 5 ايلىق ەسەپتىك كورسەتكىش مولشەرىندە ايىپپۇل سالىندى. جالپى, جىل باسىنان بەرى تەمىرجول بويىندا مالدىڭ بولۋىنا بايلانىستى پويىزداردىڭ شۇعىل تەجەلۋىنىڭ 1463 فاكتىسى تىركەلگەن. ونىڭ ىشىندە تەمىرجول بويىندا مال جايعانى ءۇشىن 1169 تۇلعا اكىمشىلىك جاۋاپكەرشىلىككە تارتىلدى, – دەدى ول.