وسكەمەندە ەسىرتكى قويىپ كەتۋشىدەن 2 كەلىدەن استام سينتەتيكالىق ەسىرتكى تاركىلەندى, دەپ حابارلايدى Egemen.kz Polisia.kz سايتىنا سىلتەمە جاساپ.
شقو اۋماعىندا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ءجىىش جۇرگىزگەن كەزدە ەسىرتكىنى سالىپ-قويىپ كەتۋشى وبلىس ورتالىعىنىڭ تۇرعىنى ۇستالىپ, ودان جالپى سالماعى 498 گرامم «الفا-رVP» پسيحوتروپتىق زاتى تارگىلەنگەن.
ءارى قاراي ءىس-شارالار ناتيجەسىندە ەسىرتكىنى تاسىمالداۋعا, ساقتاۋعا جانە تاراتۋعا كۇدىكتى تالدىقورعان قالاسىنىڭ تۇرعىنى وڭىرلىك كۋرەر ۇستالدى. جۇرگىزىلگەن سانكتسيالانعان ءتىنتۋ ناتيجەسىندە ۇستالعان ادامنان جالپى سالماعى 2 كەلىدەن استام «الفا-رVP» پسيحوتروپتىق زاتى تاركىلەندى.
بارلىعى 2, 654 گرامم ەسىرتكى زاتى تاركىلەندى, ول 9 مىڭعا جۋىق دوزانى قۇرايدى. ۇستالعاندار ۋاقىتشا ۇستاۋ يزولياتورىنا قاماۋعا الىندى.
اتالعان فاكتى بويىنشا قر قك-ءنىڭ 297-بابى 3-بولىگى بويىنشا سوتقا دەيىنگى تەرگەۋ ءجۇرىپ جاتىر.