مەكسيكاداعى تويدا 250 قوناقتىڭ كەم دەگەندە 200-ءى ۋلانىپ قالدى, دەپ حابارلايدى Egemen.kz Noticias MVS سايتىنا سىلتەمە جاساپ.
بۇل تۋرالى جەرگىلىكتى دەنساۋلىق ساقتاۋ باسقارماسىنىڭ باسشىسى الما مارروكين مالىمدەدى. ونىڭ ايتۋىنشا, مەكسيكانىڭ نۋەۆو-لەون شتاتىنداعى مونتەررەي قالاسىندا وتكەن مەرەكەدەن كەيىن زارداپ شەككەندەردىڭ ىشىندە قالىڭدىق پەن كامەلەتكە تولماعان قوناقتار ۋلانىپ, دەنە قىزۋى كوتەرىلگەن.
وقيعا بولعان قوناقۇي وقيعانىڭ ەگجەي-تەگجەيى ناقتىلانعانشا ۋاقىتشا جابىلادى. جاس جۇبايلار ۇيلەنۋ تويىن ۇيىمداستىرۋعا جۇمسالعان قاراجاتتى قايتارۋعا ءوتىنىش بەرگەندەرىن ايتىپ, ۋلانعان قوناقتاردى ساۋىقتىرۋ ءۇشىن قاجەتتى مەديتسينالىق قىزمەت اقىسىن قوناقۇي اكىمشىلىگىنەن تولەۋدى تالاپ ەتتى.