2022 جىلعى 30 قاراشادا تاڭعى ساعات 08.00-دە ەكىباستۇزداعى توتەنشە جاعدايدى جويۋ جونىندەگى جەدەل شتابتىڭ وتىرىسىندا قالانىڭ جىلۋ جەلىلەرىندەگى قازىرگى جاعداي مەن تەمپەراتۋرالىق رەجيمدى قالپىنا كەلتىرۋ بويىنشا قابىلدانىپ جاتقان شارالار تالقىلاندى, دەپ حابارلايدى Egemen.kz.
بۇگىن جىلۋ ماگيسترالىندەگى ەكى جەردەگى جارىلعان تۇستى قالپىنا كەلتىرۋ جانە ءماشھۇر ءجۇسىپ كوشەسىندەگى 17 كوپپاتەرلى ءۇيدى جىلىتۋ جۇيەلەرىنە قوسۋ جوسپارلانۋدا. ساعات 9.00-دەن باستاپ قالانىڭ الەۋمەتتىك نىساندارى تەكسەرىلۋدە.
ۇكىمەت مۇشەلەرى مەن جەدەل شتاب قاتىسۋشىلارى ەكىباستۇز قالالىق اۋرۋحاناسىندا, قابىلداۋ بولىمىندە, پەرزەنتحانادا بولدى. مەديتسينالىق مەكەمەلەردەگى تەمپەراتۋرا 24°C قۇرايدى.