ەكىباستۇزدا پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين, توتەنشە جاعدايلار ءمينيسترى يۋري يلين, پاۆلودار وبلىسىنىڭ اكىمى ابىلقايىر سقاقوۆ, ەنەرگەتيكا ۆيتسە-ءمينيسترى جاندوس نۇرماعانبەتوۆ, «واەك» اق اكتسيونەرلەرى, «ەكىباستۇزجىلۋەنەرگو» جشس قۇرىلتايشىلارىنىڭ قاتىسۋىمەن جەدەل شتابتىڭ وتىرىسى ءوتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
2022 جىلعى 29 قاراشاداعى 23.55-تەگى جاعداي بويىنشا ەكىباستۇزدا 17 كوپ پاتەرلى تۇرعىن ءۇي, 3 الەۋمەتتىك نىسان جانە 1 اكىمشىلىك عيمارات جىلۋ جۇيەسىنە قوسىلماعان كۇيىندە قالىپ وتىر. ولارعا سوڭعى ۋچاسكەدەگى اپات جويىلعاننان كەيىن جىلۋ قايتا بەرىلەدى. قالعان ۇيلەر مەن نىساندارعا جىلۋ تومەن تەمپەراتۋرامەن بەرىلگەن. تاسىمالداعىشتىڭ جىلۋ بەرۋ تەمپەراتۋراسى – 820س (نورما 870س), كەرى قايتارۋ – 540س (نورما 560س), پاتەرلەردە – 18-200س, سىرتقى اۋا تەمپەراتۋراسى – 230س.
جەتكىزۋ جەلىلەرى قاتىپ قالعان 59 كوپ پاتەرلى تۇرعىن ءۇيدىڭ 22-سىندە قالپىنا كەلتىرۋ جۇمىستارى اياقتالدى, تاعى 37 نىسان قالىپ وتىر. 34 كەزەكشى بريگادا جۇمىس ىستەپ جاتىر.
قالادا ازاماتتاردى قابىلداۋ جانە جىلىتۋ ءۇشىن 14 ارنايى پۋنكت جاساقتالعان.