ەلىمىزدىڭ التى وڭىرىندە جول قوزعالىسىنا ەنگىزىلگەن شەكتەۋ الىندى, دەپ حابارلايدى Egemen.kz قازاۆتوجول ءباسپاسوز قىزمەتىنە سىلتەمە جاساپ.
«جۇك جانە قوعامدىق كولىك قوزعالىسىنا ەنگىزىلگەن شەكتەۋ اقمولا, قاراعاندى, پاۆلودار, قوستاناي, سولتۇستىك قازاقستان جانە الماتى وبلىستارىندا الىندى. رەسپۋبليكالىق جولدار جەلىسىندە كۇشەيتىلگەن رەجيمدە 220 بىرلىك ارنايى تەحنيكا مەن 300 ادام قىسقى كۇتىپ-ۇستاۋ جۇمىستارىن اتقارىپ جاتىر. تۇندە 520 م3 قۇم-تۇز قوسپاسى سەبىلدى», دەلىنگەن حابارلامادا.
سونداي-اق قازىر جەتىسۋ وبلىسىندا «الماتى-وسكەمەن» تاس جولىنىڭ كولباي اۋىلىنان اباي وبلىسىنىڭ شەكاراسىنا دەيىنگى ۋچاسكەسى كولىكتىڭ بارلىق ءتۇرى ءۇشىن جابىق تۇر. شىعىس قازاقستان وبلىسىندا قاراتال اۋىلىنان قحر شەكاراسىنا دەيىنگى «ومبى-مايقاپشاعاي» تراسساسىنىڭ ۋچاسكەسى جابىق.
اباي وبلىسىندا جەتىسۋ وبلىسىنىڭ شەكاراسىنان اياگوز قالاسىنا دەيىنگى «الماتى-وسكەمەن» تاسجولىنىڭ ۋچاسكەسىندە قوزعالىس شەكتەلدى.
سونداي-اق اباي وبلىسىندا تاسكەسكەن اۋىلىنا بۇرىلىستان ءۇرجار اۋىلىنا دەيىنگى «تاسكەسكەن-باقتى» تراسساسىنىڭ ۋچاسكەسى جابىق تۇر.