ەلوردادا قىسقى كەزەڭنىڭ باستالۋىمەن كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەيدى. وسى ۋاقىت ىشىندە قالادان 200 مىڭ تەكشە مەتر قار شىعارىلدى, دەپ حابارلايدى Egemen.kz استانا اكىمدىگىنىڭ سايتىنا سىلتەمە جاساپ.
25 قاراشا كۇنى تاڭەرتەڭ قالا كوشەلەرىن قار مەن مۇزدان تازارتۋعا 2,5 مىڭعا جۋىق جول جۇمىسشىلارى مەن مىڭنان استام ارنايى تەحنيكا شىقتى.
24-25 قاراشاعا قاراعان ءتۇنى قالاداعى كوممۋنالدىق قىزمەتتەردىڭ كۇشىمەن 5 مىڭ تەكشە مەتردەن استام قار جينالىپ, پوليگوندارعا شىعارىلدى. بۇل 500-گە جۋىق رەيستى قۇرادى.
قىس مەزگىلىنىڭ باسىنان باستاپ ەلوردادان 200 مىڭ تەكشە مەترگە جۋىق قار شىعارىلدى. بۇل 15 مىڭنان استام اۋىر جۇك كولىگىنە تەڭ.