دارىگەرلەردىڭ ايتۋىنشا, مەديتسينادا ومىرگە كەلگەن ساتتە سالماعى 4 كيلودان اساتىن نارەستە ءىرى سانالادى. ال 5 كيلودان جوعارى سالماقپەن تۋعاندار الىپتار قاتارىنا قوسىلادى. اتىراۋداعى وبلىستىق پەريناتالدىق ورتالىعىندا الىپ ءسابي ومىرگە كەلدى.
«قازىر الىپ بالانىڭ دا, ونى ومىرگە اكەلگەن اناسىنىڭ دا جاعدايى جاقسى. الىپ نارەستە – وتباسىنداعى ءتورتىنشى بالا. ءسابيدىڭ سالماعى ءىرى بولعان سوڭ, اناسىنا كەسار تىلىگى ارقىلى وتا جاسالدى. ول – بيىل اتىراۋدا جارىق دۇنيە ەسىگىن اشقان العاشقى الىپ نارەستە. ونىڭ سالماعى – 5 700 گرامم, ال بويى – 64 سم», دەپ حابارلادى باسقارمانىڭ ءباسپاسوز قىزمەتى.
وڭىردە تۋ كورسەتكىشى ارتىپ كەلەدى. ماسەلەن 20 قاراشادا 34 ءسابي دۇنيە ەسىگىن اشقان. ونىڭ ىشىندە ءبىر ەگىز بار. بۇل كۇنى ومىرگە كەلگەن نارەستەلەردىڭ 19-ى – ۇل, 15-ءى – قىز. انالار مەن سابيلەر دارىگەرلەردىڭ ءجىتى باقىلاۋىنا الىندى.
اتىراۋ وبلىسى