قازىر قازاقستاندا جالپى ۇزىندىعى 7 مىڭداي شاقىرىم رەسپۋبليكالىق ماڭىزدى اۆتوجولداردىڭ 200-گە جۋىق ۋچاسكەسىندە جول سالۋ جۇمىستارى جۇرگىزىلىپ جاتىر, دەپ حابارلايدى Egemen.kz.
ونىڭ ىشىندە 4 مىڭ شاقىرىمداي جەردە جاڭعىرتۋ جۇمىستارى, قالعان 3 مىڭ شاقىرىمىندا جوسپارلى جوندەۋ (ورتاشا جانە كۇردەلى) جۇمىستارى ىسكە اسىرىلىپ كەلەدى.
اتالعان جۇمىس قاراعاندى – بالقاش – الماتى, مەركە – بۋرىلبايتال, تالدىقورعان – قالباتاۋ – وسكەمەن, قالباتاۋ – مايقاپشاعاي, اتىراۋ – استراحان, اقتوبە – قاندىاعاش, ونەگە – بيسەن – سايحين جانە باسقا دا تراسسالاردا قولعا الىنعان.
ءبىر ماۋسىمدا رەسپۋبليكالىق اۆتوجولدارعا 3,5 ملن توننا اسفالت توسەلدى. ماسەلەن, ماۋسىم ايىنان باستاپ قاراعاندى – بالقاش تاس جولىنىڭ 128 شاقىرىمداي جەرىنە جاڭا جول جابىنى سالىندى. قۇرىلىس-مونتاج جۇمىستارىمەن 8 ۋچاسكە قامتىلدى. قازىر 363 شاقىرىمنىڭ 281 شاقىرىم جەرىندە جول قوزعالىسى قامتاماسىز ەتىلگەن. بۇعان دەيىن اينالما جولداردىڭ جالپى ۇزىندىعى 148 شاقىرىمدى قۇراسا, قازىر 4 شاقىرىم عانا.
سونىمەن قاتار قىزىلقوي مەن نۇراتالدى اۋىلدارى اراسىنداعى كۇردەلى ۋچاسكەدە ەكى جولاقتى جول قوزعالىسى اشىلدى.