جاڭا جوبا جەتىم بالالار مەن اتا-اناسىنىڭ قامقورلىعىنسىز قالعان بالالاردى بالالار ۇيىنە ەمەس, بىردەن پاتروناتتىق وتباسىنا بەرۋگە مۇمكىندىك بەرەدى, دەپ حابارلايدى Egemen.kz وقۋ-اعارتۋ مينيسترلىگىنە سىلتەمە جاساپ.
ۆەدومستۆو وكىلدەرى اتاپ وتكەندەي, بۇل بالالاردىڭ اسىراپ الۋشى اتا-انالارىن تەز تاۋىپ, ۇيدە بەيىمدەلۋى ءۇشىن قاجەت.
«بۇل جۇمىس مەملەكەت باسشىسىنىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» اتتى سايلاۋالدى باعدارلاماسى اياسىندا جۇزەگە اسىرىلىپ جاتىر. پرەزيدەنت اتاپ وتكەندەي, ءبىز ازاماتتاردىڭ ءبىلىمى, دەنساۋلىعى مەن ءال-اۋقاتىنا جاۋاپتىمىز. بۇگىن ەلىمىزدە بالا اسىراپ الۋدان بولەك, بالالاردى وتباسىنا ورنالاستىرۋدىڭ قورعانشىلىق, قامقورشىلىق, پاتروناتتىق تاربيە, پاتروناتتىق وتباسى سياقتى تۇرلەرى بار. الايدا بالالار ۇيلەرىندە اۋىر اۋرۋلارى بار جانە دامۋىندا ارتتا قالعان بالالار قالادى. بۇل بالالاردىڭ وتباسىندا تاربيە الۋ مۇمكىندىگىنە يە بولۋى ءۇشىن دەنساۋلىق جاعدايىنا قاراماستان بارلىق بالانى قابىلداۋعا دايىن كاسىبي پاتروناتتىق وتباسىلار ينستيتۋتى قۇرىلادى. قازىر وقۋ-اعارتۋ مينيسترلىگى كاسىبي پاتروناتتىق وتباسىلاردى زاڭنامالىق تۇرعىدان بەكىتۋ جۇمىسىمەن اينالىسىپ جاتىر», دەپ ءتۇسىندىردى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
قازىرگى ۋاقىتتا كاسىبي پاتروناتتىق تاربيەشىلەرگە قويىلاتىن تالاپتاردى, پسيحولوگيالىق دايىندىق باعدارلاماسىن, الەۋمەتتىك كەپىلدىكتەر مەن تولەمدەر تىزبەسىن ازىرلەۋ جۇمىستارى جۇرگىزىلىپ جاتىر.
ايتا كەتسەك, بالالاردى كاسىبي پاتروناتتىق وتباسىنا 3 ايعا دەيىن قىسقا مەرزىمگە جانە 3 ايدان كامەلەتكە تولعانعا دەيىن ۇزاق مەرزىمگە بەرۋگە بولادى دەپ جوسپارلانىپ وتىر. بالالاردى تاربيەلەۋگە بەرۋ كەلىسىم نەگىزىندە جۇزەگە اسىرىلادى. ال اسىراپ الۋشى اتا-انالار بالالارىنىڭ سانىنا جانە ولاردىڭ وتباسىندا بولۋ مەرزىمىنە بايلانىستى ءوز ەڭبەگى ءۇشىن اقى الادى.