2018 جىلى قازاقستان-قىتاي شەكاراسىندا مەملەكەت پەن جەكە ارىپتەستىك (گچپ) مەحانيزمى ارقىلى «باتىس ەۋروپا – باتىس قىتاي» حالىقارالىق ترانزيتتىك دالىزىندە ورنالاسقان جاڭا «نۇر جولى» اۆتوموبيل وتكىزۋ پۋنكتى پايدالانۋعا بەرىلدى. بۇگىندە وتكىزۋ پۋنكتى تابىستى جۇمىس ىستەپ تۇر, دەپ حابارلايدى Egemen.kz.
بۇل ورتا ازياداعى ەڭ ءىرى جانە تەحنولوگيالىق جاعىنان وزىق وتكىزۋ پۋنكتى. قۇرىلىسقا ارنالعان ينۆەستيتسيالىق شىعىندار شامامەن 69 ملرد تەڭگەگە جۋىقتاعان.
پۋنكت جۇمىس كۇندەرى 2,5 مىڭ كولىك قۇرالىن جانە 15 مىڭ جەكە تۇلعانى وتكىزەدى.
وتكىزۋ پۋنكتى جۇمىس ىستەگەن ۋاقىت ىشىندە 209 432-دەن استام كولىك قۇرالدارى ءوتتى. 223 356 ملن تەڭگەدەن استام كەدەندىك باج جانە سالىق ءتۇستى. ەسكى «قورعاس» وتكىزۋ پۋنكتىمەن سالىستىرعاندا 4 جىل ىشىندە كولىك سانى 1,6 ەسە ءوستى, تولەمدەر ءتۇسىمى 546,6%-عا جەتتى.