استانا ەمحانالارى جاڭا اۆتوكولىكتەرگە يە بولدى. اۆتوپارك شۇعىل جەتۋدىڭ 4-ساناتىنا, ۇيگە, ءموبيلدى بريگادالاردى تاسىمالداۋعا جانە ت. ب. شاقىرۋلاردى ورىنداۋ ءۇشىن تاعى 50 اۆتوكولىكپەن تولىقتىرىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
وسى جىلدىڭ قىركۇيەك ايىنىڭ باسىندا جەدەل مەديتسينالىق جاردەم ستانتسياسىنا 55 ارنايى ماشينا بەرىلدى. جالپى العاندا, قالانىڭ مەديتسينالىق مەكەمەلەرى مەن جەدەل مەديتسينالىق جاردەم ستانتسيالارىنىڭ اۆتوپاركى سوڭعى جىلدارى 200-دەن استام اۆتوكولىكپەن تولىقتىرىلدى.
سوڭعى ءۇش جىلدا مەديتسينالىق مەكەمەلەر 3 مىڭعا جۋىق ارنايى جابدىقتارمەن جاراقتاندىرىلدى, 40 ء«ۇي جانىنداعى دارىگەر» نىسانى اشىلدى (ونىڭ 7-ءسى تۇرعىن الاپتارىندا), جىل سوڭىنا دەيىن تاعى 10 ء«ۇي جانىنداعى دارىگەر» نىسانى اشىلادى. بىرقاتار مەديتسينالىق مەكەمەلەردە جوندەۋ جۇمىستارى جۇرگىزىلدى. 4 مەديتسينالىق مەكەمە قۇرىلىسى بويىنشا جوبالار ىسكە اسىرىلۋدا.
استانادا پەرزەنتحانالاردىڭ, «جاعالاۋ-3» امبۋلاتوريالىق-ەمحانالىق كەشەندەرىنىڭ جانە «نۇرلى جول» ۆوكزالى اۋدانىندا, كوكتال-1 جم العاشقى مەديتسينالىق-سانيتارلىق كومەك ورتالىقتارى, تەلمان, پريگورودنىي جانە ت.ب. قۇرىلىسى جوسپارلانعان.