وتكەن پرەزيدەنت سايلاۋى وسى جىل بويى نىعايا تۇسكەن قوعامدىق شوعىرلانۋ تۇرعىسىندا ەلدىڭ دامۋى ءۇشىن زور ماڭىزعا يە. ماۋسىم رەفەرەندۋمىندا قازاقستاندىقتاردىڭ 77 پايىزدان استامىنىڭ كونستيتۋتسيالىق رەفورمانى ماقۇلداۋى ازاماتتاردىڭ ءىس باسىنداعى بيلىكتى قولداۋىن كورسەتتى.
داۋىس بەرۋ قورىتىندىسىندا 80 پايىزدان استام داۋىس جيناعان قاسىم-جومارت توقاەۆتىڭ سەنىمدى جەڭىسى بيلىكتىڭ جۇزەگە اسىرىپ جاتقان, سونىمەن قاتار بولاشاققا جوسپارلاپ وتىرعان ءىس-ارەكەتىن ازاماتتاردىڭ قولدايتىنىنىڭ جارقىن كورىنىسى. وسىلايشا, ەگەر رەفەرەندۋم قوعامنىڭ شوعىرلانۋىنىڭ جاڭا دەڭگەيگە كوتەرىلۋىن كورسەتسە, پرەزيدەنتتىك سايلاۋ ازاماتتىق قوعامنىڭ نىعايۋىنا ساپالى, تىڭ مازمۇندى سيپات بەردى.
سايلاۋ بۇگىندە قوعام مەن بيلىكتە ەل دامۋىنىڭ كەلەشەگىنە بىرىڭعاي تۇسىنىك بار ەكەندىگىن قۋاتتادى. جالپى, ۇلكەن ەلەكتورالدى تسيكلدىڭ ءبىرىنشى كەزەڭى ءساتتى اياقتالدى دەۋگە بولادى. كەلەسى كەزەك – پارلامەنتتىك جانە ءماسليحاتتار سايلاۋى. قورىتا كەلگەندە, قوعام بيلىكتىڭ شوعىرلانۋىن نىعايتىپ, مەملەكەتتىك ينستيتۋتتاردىڭ تۇراقتى جۇيەسىن قالىپتاستىرىپ, ەلىمىز الەمدەگى قۇبىلمالى كۇردەلى كەزەڭدە قاجەتتى نىق ءارى تۇراقتى قور جيناقتايدى.
ەرلان قارين,
مەملەكەتتىك كەڭەسشى